ৰাহুল গান্ধীৰ উপস্থিতিত 29 বছৰৰ পিছত একত্ৰিত হ’ল দুটা সম্প্ৰদায়

ৰাহুল গান্ধীৰ ভ্ৰমণত দুটা সম্প্ৰদায়ৰ মাজত বছৰ বছৰ ধৰি থকা সংঘাত দূৰ হৈ এক নতুন দিগন্তৰ সূচনা হয় ৷ ৰাহুল গান্ধীৰ উপস্থিতিত প্ৰায় 29 বছৰৰ দুয়ো সম্প্ৰদায়ৰ লোক পুনৰ একত্ৰিত হয় (Two Communities come together after 29 years)৷

নেশ্যনেল ডেস্ক, 3 অক্টোবৰ: 2 অক্টোবৰত দেশজুৰি পালন কৰা হৈছে গান্ধী জয়ন্তী (Gandhi jayanti 2022)৷ কংগ্ৰেছ নেতা ৰাহুল গান্ধীয়ে দেওবাৰে কৰ্ণাটক জিলাৰ বাদানাভালু গাঁৱত গান্ধী জয়ন্তী পালন কৰিবলৈ উপস্থিত হয়গৈ (Rahul Gandhi visit at Badanavalu village)৷

গান্ধীয়ে খাদী গ্ৰামোদ্যোগ কেন্দ্ৰ পৰিদৰ্শন কৰি কেন্দ্ৰটোৰ মহিলাসকলৰ সৈতে বাৰ্তালাপ কৰে ৷ তেওঁ খাদী কেন্দ্ৰটোত আয়োজন কৰা এটা ভোজনৰ এক অনুষ্ঠানতো অংশগ্ৰহণ কৰিছিল ৷ তেওঁ কেন্দ্ৰটোত কেবাটাও গছপুলি ৰোপন কৰে ৷

উল্লেখ্য যে, ৰাহুল গান্ধীৰ এই ভ্ৰমণত দুই সম্প্ৰদায়ৰ মাজত বছৰ বছৰ ধৰি থকা সংঘাত দূৰ হৈ এক নতুন দিগন্তৰ সূচনা হয় ৷ 1993 চনত বাদানুভালু গাঁৱত গাঁওখনত বাস কৰা লিংগায়ত আৰু দলিত সম্প্ৰদায়ৰ মাজত গণহত্যাৰ ঘটনা সংঘটিত হৈছিল (Lingayat and Dalit communities)৷ তাৰ পিছৰে পৰা দুয়ো সম্প্ৰদায়ৰ মাজত কোনো ধৰণৰ যোগাযোগ হোৱা নাছিল ৷ আনকি দুয়োটা সম্প্ৰদায়ৰ লোকে ইখন গাঁৱৰ পৰা সিখন গাঁৱলৈ যাব পৰা পথসমূহো বন্ধ কৰি দিছিল ৷

অতীতক পাহৰি পুনৰ গাঁও দুখনক একেলগ কৰিবলৈ দীৰ্ঘদিনৰ পৰা চেষ্টা অব্যাহত ৰাখিছিল কংগ্ৰেছ দলৰ কৰ্মীসকলে ৷ অৱশেষত ৰাহুল গান্ধীৰ উপস্থিতিত প্ৰায় 29 বছৰৰ দুয়ো সম্প্ৰদায়ৰ লোক পুনৰ একত্ৰিত হয় (Two Communities come together after 29 years)৷

ভাৰত জোড়ো যাত্ৰা (Bharat Jodo yatra)অভিযানৰ অধীনত কংগ্ৰেছী নেতাসকলে গাঁও দুখনৰ লোকে আহ-জাহ কৰিব পৰাকৈ পথ নিৰ্মাণ কৰি দিয়ে ৷ ৰাহুলৰ সৈতে এই অনুষ্ঠানত অংশগ্ৰহণ কৰে কেপিচিচিৰ সভাপতি ডি কে শিৱকুমাৰ, সিদ্ধাৰামাইয়া, ৰণদীপ সিং সুৰজেৱালা, কে চি বেণুগোপাল আৰু অন্যান্য কেবাজনো দলীয় কৰ্মী উপস্থিত আছিল ৷

ৰাহুল গান্ধীৰ লগত দুয়োখন গাঁৱৰ লোকে ভোজন অনুষ্ঠানত একেলগে ভোজন গ্ৰহণ কৰে ৷ ৰাহুল গান্ধীয়ে মহাত্মা গান্ধীৰ প্ৰতিকৃতিত পুষ্পাঞ্জলি জ্ঞাপন কৰে, আৰু গণ প্ৰাৰ্থনাত অংশগ্ৰহণ কৰে ৷

তাৎপৰ্যপূৰ্ণ যে 1932 চনত মহাত্মা গান্ধীয়ে 7.5 একৰ ভূমিত থকা বাদনাভালু আৰু খাদী কেন্দ্ৰ পৰিদৰ্শন কৰিছিল (Mahatma Gandhi visited Badanavalu)৷ বুৰঞ্জীবিদসকলে কয় যে তেওঁৰ অনুগামী তাগাদুৰ ৰামচন্দ্ৰ ৰাৱে তেওঁক জোৰ দিয়াৰ পিছত তেওঁ বদনাৱালুলৈ আহিছিল বাদানুভালুৰ খাদী সামগ্ৰী দেখি প্ৰশংসাত পঞ্চমুখ হৈ পৰিছিল ৷

মহাত্মা গান্ধীৰ ভ্ৰমণক চিৰস্মৰণীয় কৰি ৰাখিবলৈ কেন্দ্ৰটোৱে পৰৱৰ্তী সময়ত কেন্দ্ৰটোৰ চৌহদত তেওঁৰ প্ৰতিমূৰ্তি স্থাপন কৰে ৷

লগতে পঢ়ক:অপৰাধীৰ তালিকাত নাম থকা প্ৰাৰ্থীক ভোট দিব নে গুজৰাটৰ ৰাইজে ?