নিউজ ডেস্ক, 4 আগষ্ট : আৰজেডিৰ সভাপতি লালু প্ৰসাদ যাদৱক সাক্ষাৎ কংগ্ৰেছৰ প্ৰাক্তন সভাপতি ৰাহুল গান্ধীৰ ৷ লালু প্ৰসাদ যাদৱক সাক্ষাৎ কৰিবলৈ দিল্লীত আৰজেডিৰ সাংসদ মিছা ভাৰতীৰ বাসগৃহত উপস্থিত হয় ৰাহুল গান্ধী ৷ বিহাৰৰ উপ-মুখ্যমন্ত্ৰী তেজস্বী যাদৱো উপস্থিত আছে বুলি জানিব পৰা গৈছে ৷ অনুমান কৰা হৈছে যে লোকসভা নিৰ্বাচনৰ আসন আৰু বিহাৰত কেবিনেট সম্প্ৰসাৰণৰ বিষয় সন্দৰ্ভত দুয়োজন শীৰ্ষ নেতাৰ মাজত আলোচনা হ'ব পাৰে ৷
মোদী উপাধিৰ গোচৰত ৰাহুল গান্ধী সন্দৰ্ভত উচ্চতম ন্যায়ালয়ে শুকুৰবাৰে ৰায় প্ৰদান কৰাৰ পাছত পিছত লালু প্ৰসাদ যাদৱৰ সৈতে এইখন তেওঁৰ প্ৰথম ৰাজনৈতিক বৈঠক ৷ আগন্তুক লোকসভা নিৰ্বাচনৰ আসন আৰু শেহতীয়া ৰাজনৈতিক উন্নয়ন সন্দৰ্ভত দুয়োজন নেতাৰ মাজত আলোচনা হৈছে বুলি অনুমান কৰা হৈছে ৷ মুম্বাইৰ বৈঠকৰ পূৰ্বে লালু প্ৰসাদ যাদৱে দিল্লীত ৰাহুল গান্ধীক লগ কৰাৰ ইংগিত দিছিল ৷ চৰ্চা হৈছে যে লালু প্ৰসাদ যাদৱ আৰু ৰাহুল গান্ধীয়ে ইণ্ডিয়া মিত্ৰজোঁটৰ মুম্বাই বৈঠকৰ ৰণনীতিৰ ওপৰত চিন্তা-চৰ্চা কৰি আছে ৷