নিউজ ডেস্ক, ১ জুন : বৰ্তমান আমেৰিকা ভ্ৰমণত থকা কংগ্ৰেছ নেতা ৰাহুল গান্ধীয়ে (Congress leader Rahul Gandhi USA visit) বুধবাৰে পুনৰ পেগাছাছ প্ৰসংগ উত্থাপন কৰে (Rahul Gandhi on Pegasus spyware in USA) । এই প্ৰসংগত তেওঁ কয়, তেওঁ জানে যে কৃত্ৰিম বুদ্ধিমত্তা আৰু অত্যাধুনিক প্ৰযুক্তিৰ ক্ষেত্ৰত পথপ্ৰদৰ্শক হিচাপে কাম কৰাৰ বাবে জনাজাত ছিলিকন ভেলী-ভিত্তিক ষ্টাৰ্টআপ উদ্যোগীসকলৰ সৈতে তথ্য সুৰক্ষা আৰু নিৰাপত্তাৰ বিষয়ে কথা কোৱাৰ সময়ত তেওঁৰ ফোনটো টেপ কৰা হৈছিল (Rahul Gandhi on Artificial Intelligence) ।
উল্লেখ্য, ৰাহুল গান্ধীয়ে প্লাগ এণ্ড প্লে প্ৰেক্ষাগৃহত সন্মুখৰ শাৰীত বহি (Rahul Gandhi at Plug and Play auditorium) ইণ্ডিয়ান অ'ভাৰচিজ কংগ্ৰেছৰ অধ্যক্ষ ছেম পিত্ৰোডা আৰু ভাৰতৰ পৰা তেওঁৰ সৈতে ভ্ৰমণ কৰা আন কিছুসংখ্যক গুৰুত্বপূৰ্ণ সহায়কৰ সৈতে কৃত্ৰিম বুদ্ধিমত্তা, বিগ ডাটা, মেচিন লাৰ্ণিং আৰু সেইবোৰৰ মানৱজাতিৰ ওপৰত প্ৰভাৱৰ দৰে বিষয়ত বিশেষজ্ঞসকলৰ সৈতে এক আলোচনাত মিলিত হয়। লগতে উক্ত বিষয়বোৰৰ সমাজ কল্যাণৰ ব্যৱস্থা আৰু অপপ্ৰচাৰ তথা ভুল তথ্য প্ৰচাৰৰ বিষয়তো আলোচনা কৰে ।
এই সন্দৰ্ভত ৰাহুল গান্ধীয়ে কয় যে তথ্য হৈছে নতুন সোণ আৰু ভাৰতৰ দৰে দেশে ইয়াৰ প্ৰকৃত সম্ভাৱনা উপলব্ধি কৰিছে । তেওঁ কয়, "তথ্যৰ সুৰক্ষা আৰু নিৰাপত্তাৰ ওপৰত উপযুক্ত নিয়মাৱলী থকাটো প্ৰয়োজন"। অৱশ্যে পেগাছাছ স্পাইৱেৰ আৰু একে ধৰণৰ প্ৰযুক্তিৰ বিষয়ত ৰাহুল গান্ধীয়ে দৰ্শকসকলক কয় যে তেওঁ এই বিষয়ে চিন্তিত নহয় । আনহাতে, তেওঁ লগতে কয় যে এটা সময়ত তেওঁ জানিছিল যে তেওঁৰ ফোনটো টেপ কৰা হৈছে । আৰু সেয়ে ধেমালিতে তেওঁৰ আইফোনত কৈছিল, "হেল্ল' ! মিঃ মোদী ।"
"মই অনুমান কৰোঁ যে মোৰ আইফোনটো টেপ কৰা হৈছে । এখন ৰাষ্ট্ৰ হিচাপে আৰু এজন ব্যক্তি হিচাপে তথ্যৰ গোপনীয়তাৰ সন্দৰ্ভত নিয়ম প্ৰৱৰ্তন কৰিব লাগিব ।" তেওঁ কয় । "যদি এখন ৰাষ্ট্ৰই সিদ্ধান্ত লয় যে তেওঁলোকে আপোনাৰ ফোনটো টেপ কৰিব বিচাৰে, তেন্তে কোনেও আপোনাক বাধা দিব নোৱাৰে । এয়াই মোৰ বোধ ।" তেওঁ লগতে কয় । "যদি ৰাষ্ট্ৰই ফোন টেপ কৰিবলৈ আগ্ৰহী, তেন্তে ইয়াৰ বিৰুদ্ধে যুঁজ দিয়াটো যুগুত নহয় । মই ভাবোঁ মই যি কাম কৰোঁ, সেয়া চৰকাৰৰ ওচৰত উপলব্ধ ।" তেওঁ দাবী কৰে ।