নেশ্যনেল ডেস্ক, 9 এপ্ৰিল : অব্যাহত আছে আদানী বিতৰ্ক ৷ শনিবাৰে এটা টুইটত কংগ্ৰেছ নেতা ৰাহুল গান্ধীয়ে ‘আদানী’ শব্দটো ব্যৱহাৰ কৰি উল্লেখ কৰিছিল পাঁচজন লোকৰ নাম ৷ টুইটটো প্ৰকাশ হোৱাৰ পাচতে কংগ্ৰছ দলৰ প্ৰতি আক্ৰমণাত্মক হৈ পৰে বিজেপিৰ বহুকেইজন নেতা (Rahul Gandhi controversial tweet) ৷
উল্লেখ্য যে, ৰাহুল গান্ধীয়ে ‘আদানী’ শব্দটো ব্যৱহাৰ কৰি টুইটটোত পাঁচজন বিজেপি নেতাৰ নাম উল্লেখ কৰিছিল - অসমৰ মুখ্যমন্ত্ৰী হিমন্ত বিশ্ব শৰ্মা, জন্মু আৰু কাশ্মীৰৰ প্ৰাক্তন মুখ্যমন্ত্ৰী গোলাম নবী আজাদ, অন্ধ্ৰৰ প্ৰাক্তন মুখ্যমন্ত্ৰী ৰেড্ডী, বিমান মন্ত্ৰী সিন্ধিয়া, আৰু অনিল এণ্টনিৰ । “তেওঁলোকে সত্য লুকুৱাই ৰাখিছে আৰু সেইবাবেই তেওঁলোকে বিচলিত হৈ পৰে ! আদানীৰ কোম্পানীৰ নামত বিনিয়োগ কৰা ২০ হাজাৰ কোটি বেনামী টকা কাৰ বুলি পুনৰ একেটা প্ৰশ্নই ৰাহুলে টুইটযোগে উল্লেখ কৰে । লক্ষ্যনীয় বিষয় যে, যোৱা কিছুদিনৰ ভিতৰত বিজেপিত যোগদান কৰা ৰেড্ডী আৰু এণ্টনীৰ বাহিৰেও চি ৰাজগোপালাচাৰীৰ নাতি চি আৰ কেছাৱনেও কংগ্ৰেছ দল এৰি শাসকীয় দলত যোগদান কৰা পৰিলক্ষিত হৈছে (Bjp slams Congress) ।
ৰাহুল গান্ধীয়ে টুইট কৰাৰ পাচতে অসমৰ মুখ্যমন্ত্ৰী হিমন্ত বিশ্ব শৰ্মা এক টুইটযোগে ৰাহুলক বফৰ্চ আৰু নেশ্যনেল হেৰাল্ডৰ বিতৰ্কলৈ টানি নিয়াৰ সময়তে তেওঁ আদালতত ৰাহুলক সাক্ষাৎ কৰিব বুলি কংগ্ৰেছ দলৰ প্ৰাক্তন সভাপতিগৰাকীক কটাক্ষ কৰে । অনিল এণ্টনীয়ে ৰাষ্ট্ৰীয় দলৰ এজন প্ৰাক্তন সভাপতিয়ে “ট্ৰ’ল কৰাৰ দৰে” কথা কোৱাটো “দুখৰ” বিষয় বুলি প্ৰতিক্ৰিয়া ব্যক্ত কৰে ।