নিউজ ডেস্ক , ২ ফেব্ৰুৱাৰী : গণতন্ত্ৰ দিৱসৰ দিনটোত কৃষি আইনৰ বিৰুদ্ধে কৃষকসকলে দেশজুৰি ট্ৰেক্টৰ ৰেলীৰ আয়োজন কৰিছিল । কিন্তু এই ৰেলীৰ সময়ত দিল্লী-হাৰিয়ানা প্ৰান্তত প্ৰায় ১০০ৰো অধিক পঞ্জাৱৰ লোক সন্ধানহীন হৈছে । এই ঘটনাকলৈ উদ্বেগ প্ৰকাশ কৰি পঞ্জাৱৰ মুখ্য়মন্ত্ৰী কেপ্টেইন অমৰিন্দৰ সিঙে সোমবাৰে সন্ধানহীন লোকৰ যিকোনে তথ্য়ৰ বাবে হেল্পলাইন নম্বৰ ১১২ ঘোষণা কৰে । ইফালে কৃষক আন্দোলনৰ সময়ত বিভিন্ন গোচৰৰ সন্মুখীন হোৱা পঞ্জাৱৰ কৃষকসকলকো সহায়ৰ বাবে বিশেষ পদক্ষেপ গ্ৰহণ কৰিছে মুখ্য়মন্ত্ৰী গৰাকীয়ে । তেওঁৰ নিৰ্দেশত ৰাজ্যিক এজিয়ে ৰাষ্ট্ৰীয় ৰাজধানীত গোচৰৰ সন্মুখীন হোৱা কৃষকসকলক বিনামূলীয়া আইনী সহায় প্ৰদান কৰিবলৈ ৭০ জন অধিবক্তা নিয়োগ কৰে ।
লগতে মুখ্য়মন্ত্ৰী গৰাকীয়ে জনোৱা মতে তেওঁৰ কেবিনেটৰ সহকৰ্মীসকলে এই বিষয়ত কেন্দ্ৰীয় গৃহমন্ত্ৰীক লগ কৰিছিল আৰু তেওঁক ব্যক্তিগতভাৱে এনে সন্ধানহীন ব্যক্তি আৰু কৃষকসকলৰ গোচৰবোৰ গৃহ মন্ত্ৰালয়ৰ সৈতে আলোচনা কৰিব।