Rajya Sabha Monsoon Session: ৰাজ্যসভাত ২৬.৯০ শতাংশ সময়হে ফলপ্ৰসূ হৈছে

চলিত বৰ্ষাকালীন অধিৱেশনৰ প্ৰথম সপ্তাহত ৰাজ্যসভাত ২৬.৯০ শতাংশ সময়হে ফলপ্ৰসূভাবে সম্পন্ন হৈছে (Rajya Sabha monsoon session)। শনিবাৰে ৰাজ্যসভাৰ সচিবালয়ে উল্লেখ কৰে যে উচ্চ সদনে সপ্তাহৰ প্ৰথম তিনিদিনত কেৱল 1 ঘণ্টা 16 মিনিটৰ বাবে কাম সুচাৰুৰূপে সম্পন্ন কৰিছে । আনহাতে যোৱা দুদিনত 5 ঘণ্টা 31 মিনিট কাম কৰিবলৈ সক্ষম হৈছে ।

নেচনেল ডেস্ক, ২৩ জুলাই: চলিত বৰ্ষাকালীন অধিৱেশনৰ প্ৰথম সপ্তাহত ৰাজ্যসভাত ২৬.৯০ শতাংশ সময়হে ফলপ্ৰসূভাবে সম্পন্ন হৈছে (Rajya Sabha monsoon session)। শনিবাৰে ৰাজ্যসভাৰ সচিবালয়ে উল্লেখ কৰে যে উচ্চ সদনে সপ্তাহৰ প্ৰথম তিনিদিনত কেৱল 1 ঘণ্টা 16 মিনিটৰ বাবে কাম সুচাৰুৰূপে সম্পন্ন কৰিছে । আনহাতে, যোৱা দুদিনত 5 ঘণ্টা 31 মিনিট কাম কৰিবলৈ সক্ষম হৈছে ।

সচিবালয়ৰ সূত্ৰই কয় যে বাধা আৰু বলপূৰ্বক স্থগিতকৰণৰ বাবে সদনৰ নিৰ্ধাৰিত বৈঠকৰ মুঠ ১৮ ঘণ্টা ৪৪ মিনিট নষ্ট হৈছে । সপ্তাহৰ অন্তিম দিনটোত শুকুৰবাৰে স্বাস্থ্যৰ অধিকাৰ সম্পৰ্কীয় ব্যক্তিগত সদস্য বিধেয়কৰ কাৰ্যকৰী সময়ৰ 37 শতাংশ অৰ্থাৎ আঢ়ৈ ঘণ্টাৰ আলোচনাই কামৰ সময় কিছু পৰিমাণে উন্নত কৰাত সহায় কৰে । সচিবালয়ে পুনৰ উল্লেখ কৰে যে প্ৰশ্নকালটো কেৱল যোৱা দুদিনত মুঠ 1 ঘণ্টা 50 মিনিটৰ বাবে হৈছে যি সদনৰ মুঠ কাৰ্যকৰী সময়ৰ 27 শতাংশ । সদন নিয়ম 267-ৰ অধীনত মূল্যবৃদ্ধি আৰু জিএছটি বৃদ্ধিৰ ওপৰত আলোচনা কৰাৰ বিৰোধীতাৰ বাবে ব্যাঘাত জন্মে ।

অধ্যক্ষ এম ভেংকায়া নাইডুৱে(Speaker M Venkaiah Naidu) সদনক কয় যে মূল্যবৃদ্ধিৰ ওপৰত পৃথক আলোচনা কৰাৰ সিদ্ধান্ত লোৱা হৈছে । সদনত স্বাভাৱিক অৱস্থা ঘূৰাই আনিবলৈ বিৰোধী দলৰ কেইজনমান নেতাৰ সৈতেও আলোচনা কৰিছিল অধ্যক্ষগৰাকীয়ে । সচিবালয়ৰ বিষয়াসকলে কয় যে চলিত অধিৱেশনৰ প্ৰথম সপ্তাহত তালিকাভুক্ত 75 টা প্ৰশ্নৰ 22 টা সদনত মৌখিকভাৱে উত্তৰ দিয়া হৈছিল ।

বেআইনী কাৰ্যকলাপ প্ৰতিৰোধ বিধেয়ক-2022ৰ বিষয়ে 42 মিনিটৰ বাবে আলোচনা কৰা হৈছিল আৰু আঠজন সদস্যইহে ইয়াত অংশগ্ৰহণ কৰিছিল । সপ্তাহটোত প্ৰায় নখন ব্যক্তিগত সদস্য বিধেয়ক উত্থাপন কৰা হৈছিল । ৩০ জন নৱনিৰ্বাচিত সদস্যই সদনত শপতগ্ৰহণ কৰা বুলি সচিবালয় সূত্ৰই সদৰি কৰিছে ।

লগতে পঢ়ক:Road construction: নতুন প্ৰযুক্তিৰে ত্ৰিপুৰাত পথ নিৰ্মাণৰ নিৰ্দেশ মুখ্যমন্ত্ৰীৰ