নেচনেল ডেস্ক,1 মে':সমগ্ৰ দেশত ক’ভিড-19 ৰ মহামাৰীৰ মাজতো উত্তৰ প্ৰদেশত পঞ্চায়ত নিৰ্বাচন অনুষ্ঠিত কৰাৰ বাবে উত্তৰ প্ৰদেশ চৰকাৰক তীব্ৰ সমালোচনা কৰিছে কংগ্ৰেছ নেত্ৰী প্ৰিয়ংকা গান্ধী ৱাদ্ৰাই ৷ উত্তৰ প্ৰদেশৰ ভাৰপ্ৰাপ্ত কংগ্ৰেছৰ সাধাৰণ সম্পাদক গৰাকীয়ে এয়া মানৱতাৰ বিৰুদ্ধে এক অপৰাধ বুলি টুইটাৰত উল্লেখ কৰিছে ৷
প্ৰিয়ংকা গান্ধীয়ে ৰাজ্য়খনৰ নিৰ্বাচনৰ দায়িত্বত থাকিবলৈ বাধ্য হোৱা এগৰাকী গৰ্ভৱতী মহিলাসহ 700 গৰাকীকৈ শিক্ষকৰ মৃত্যু হোৱা বুলি চৰকাৰখনৰ বিৰুদ্ধে অভিযোগ উত্থাপন কৰে ৷ নেত্ৰীগৰাকীয়ে দাবী কৰা মতে, প্ৰায় 60,000 গাঁওসভাত ক’ভিডৰ ভয়াৱহতাৰ প্ৰতি লক্ষ্য নৰখাকৈ পঞ্চায়ত নিৰ্বাচন অনুষ্ঠিত কৰাটোক চৰকাৰ অদূৰদৰ্শীতা বুলি অভিহিত কৰে ৷