নেশ্যনেল ডেস্ক, ১৫ অক্টোবৰ :দেশৰ চৌদিশে বিজয়া দশমীক লৈ ব্যাপক উছাহ দেখিবলৈ পোৱা গৈছে । ইয়াৰ মাজতে ভাৰতৰ ৰাষ্ট্ৰপতি ৰামনাথ কোবিন্দ আৰু প্ৰধানমন্ত্ৰী নৰেন্দ্ৰ মোডীয়ে বিজয়া দশমীৰ দিনটোত দেশবাসীক শুভেচ্ছা জ্ঞাপন কৰিলে । ৰাষ্ট্ৰপতি ৰামনাথ কোবিন্দে সকলো দেশবাসীক শুভেচ্ছা জ্ঞাপন কৰি কয় যে, এই উৎসৱে আমাক নৈতিকতা, মংগলময় আৰু সৎ পথৰে যোৱাৰ বাবে অনুপ্ৰাণিত কৰে ।
বিজয়া দশমী তথা দশেৰাই অশুভ শক্তিৰ ওপৰত শুভ শক্তিৰ জয়ক দৰ্শায় । টুইট কৰি ৰাষ্ট্ৰপতিগৰাকীয়ে আশা কৰে যে এই উৎসৱে দেশবাসীৰ জীৱনত সমৃদ্ধি আৰু সুখ কঢ়িয়াই আনিব । আনহাতে, প্ৰধানমন্ত্ৰী মোডীয়েও টুইটযোগে দেশবাসীক বিজয়া দশমীৰ শুভেচ্ছা জ্ঞাপন কৰে ।