নতুন দিল্লী,29 মাৰ্চ: ৰাষ্ট্ৰপতি ৰামনাথ কোবিন্দে সোমবাৰে হোলী উপলক্ষে দেশবাসীক শুভেচ্ছা জনায় ৷ এই উৎসৱে জন সাধাৰণৰ মাজত জাতীয়তাবাদৰ চেতনা অধিক শক্তিশালী কৰিব বুলি তেওঁ আশা প্ৰকাশ কৰে । "সকলো নাগৰিককে হোলীৰ শুভেচ্ছা । ৰঙৰ উৎসৱ হোলী সামাজিক সমন্বয়ৰ উৎসৱ যিয়ে মানুহৰ জীৱনত আনন্দ আৰু আশা আনে । এই উৎসৱে জাতীয়তাবাদৰ চেতনাক অধিক শক্তিশালী কৰক, যিটো আমাৰ সাংস্কৃতিক বৈচিত্ৰতাৰ অবিচ্ছেদ্য অংগ"- এইবুলি ৰাষ্ট্ৰপতি গৰাকীয়ে টুইটযোগে প্ৰকাশ কৰে ।
বৰ্তমান ৰাষ্ট্ৰপতি গৰাকী এইমছ দিল্লী চিকিৎসালয়ত ভৰ্তি হৈ আছে আৰু মঙলবাৰে ৰাতিপুৱা বাইপাছ অস্ত্ৰোপচাৰ সম্পন্ন কাৰ হ’ব ৷ বিগত শুকুৰবাৰে ৰাষ্ট্ৰপতি গৰাকীয়ে বুকুত অস্বস্তি অনুভৱ কৰাৰ পিছত সেনাৰ গৱেষণা আৰু ৰেফাৰেল চিকিৎসালয়লৈ যোৱা হৈছিল ৷