আৰক্ষীক তৰোৱালেৰে আক্ৰমণ

বিহাৰত আৰক্ষীক তৰোৱালেৰে আক্ৰমণ ৷ এজন পলাতক অপৰাধীক কৰায়ত্ত কৰিবলৈ গৈ দুৰ্বৃত্তৰ আক্ৰমণৰ সন্মুখীন বিহাৰ আৰক্ষীৰ এটা দল ৷ আৰক্ষীলৈ ইটা আৰু শিল নিক্ষেপ কৰাৰ লগতে তৰোৱালেৰে আক্ৰমণ কৰাত এজন SHO আৰু আৰক্ষী পৰিদৰ্শককে ধৰি সাতজন আৰক্ষী গুৰুতৰভাৱে আহত হয় ৷

নেশ্যনেল ডেস্ক , 5 ছেপ্তেম্বৰ : এজন পলাতক অপৰাধীক কৰায়ত্ত কৰিবলৈ গৈ আক্ৰমণৰ সন্মুখীন হ'ল আৰক্ষীৰ এটা দল ৷ বিহাৰৰ বৈশালী জিলা(Vaishali district in Bihar)ৰ Mahuaৰ এটা বিবাদৰ গোচৰত 'Wanted' হৈ থকা পলাতক অপৰাধীৰ সন্ধানত যোৱা আৰক্ষীৰ এটা দলক দুৰ্বৃত্তৰ দলে তৰোৱালেৰে আক্ৰমণ চলায় ৷

এই ঘটনাত এজন SHO আৰু আৰক্ষী পৰিদৰ্শককে ধৰি সাতজন আৰক্ষী গুৰুতৰভাৱে আহত হয় ৷ প্ৰাপ্ত তথ্য অনুসৰি, শনিবাৰে সন্ধিয়া এই ঘটনা সংঘটিত হয় ৷ অপৰাধীটোৰ সন্ধানত আৰক্ষীৰ দলটো Mahua আৰক্ষী থানা অঞ্চলৰ বদনপুৰ মিলকি গাঁৱ(Badanpur Milki village of Mahua police station area)ত উপস্থিত হোৱাৰ পাচতে দুৰ্বৃত্তই তৰোৱালেৰে আক্ৰমণ কৰে ৷

লগতে পঢ়ক :আৰক্ষীৰ এনকাউণ্টাৰত গুলীবিদ্ধ খাৰঘূলিৰ ৰেভ পাৰ্টীৰ অভিযুক্ত বিশাল চৌধুৰী

গাঁওখনত অপৰাধীটো লুকাই থকা বুলি তথ্য লাভ কৰা পাচতে থানাৰ মুৰব্বী কৃষ্ণানন্দ ঝাৰ সৈতে আৰক্ষীৰ এটা দলে লোকজনক গ্ৰেপ্তাৰ কৰিবলৈ গৈছিল ৷ কিন্তু, আৰক্ষীয়ে অপৰাধীজনক গ্ৰেপ্তাৰ কৰাৰ পূৰ্বেই দুৰ্বৃত্তই তেওঁলোকক লাঠি আৰু তৰোৱালেৰে আক্ৰমণ কৰে ৷

আৰক্ষীয়ে জানিবলৈ দিয়া মতে, অন্ধকাৰৰ সুযোগ লৈ অভিযুক্ত পক্ষই আৰক্ষীলৈ ইটা আৰু শিল নিক্ষেপ কৰাৰ লগতে তৰোৱাল চলাবলৈ আৰম্ভ কৰে ৷ যাৰ ফলত আৰক্ষীৰ কেইবাজনো জোৱান আহত হয় ৷ ঘটনাৰ তথ্য লাভ কৰাৰ পাচতে অতিৰিক্ত আৰক্ষী বাহিনী ঘটনাস্থলীলৈ প্ৰেৰণ কৰা হৈছিল ৷ আৰক্ষীয়ে প্ৰায় 5-6 ৰাউণ্ড গুলীচালনা কৰাৰ লগতে এই গোচৰ সন্দৰ্ভত 13 জন লোকক গ্ৰেপ্তাৰ কৰে ৷

লগতে পঢ়ক :পঞ্জশিৰত ৰেজিষ্টেন্স ফ’ৰ্চৰ আক্ৰমণত নিহত 600 তালিবানী