নেশ্য়নেল ডেস্ক, ১২ এপ্ৰিল: বিহাৰৰ আলমগঞ্জ আৰক্ষী থানা এলেকাৰ পাটনাত মেঘালয়ৰ দুজন লোকক একাংশ ব্য়ক্তিয়ে দুৰ্ব্যৱহাৰ কৰাৰ ঘটনা পোহৰলৈ অহাৰ পিছত আৰক্ষীয়ে এইক্ষেত্ৰত ব্য়ৱস্থা গ্ৰহণ কৰিছে (Misbehave with Meghalaya persons in bihar) । আৰক্ষীয়ে ইতিমধ্য়ে ঘটনাটোৰ তদন্ত আৰম্ভ কৰিছে । এই গোচৰটো পাটনাৰ মেয়ৰ তথা ৱাৰ্ড কাউন্সিলাৰ সীতা চাহুৰ এলেকাত সংঘটিত হৈছে । এই বিষয়টো সমাধান কৰিবলৈ আলমগঞ্জ আৰক্ষী থানাত উপস্থিত হোৱা মেয়ৰ সীতা চাহুই পুত্ৰৰ সহযোগত গোচৰটো গাপ দিবলৈ চেষ্টা কৰা বুলিও অভিযোগ উত্থাপিত হৈছে ।
এই ঘটনাটো সংঘটিত হোৱা পিছত বিহাৰৰ এডিজি জি এছ গাংৱাৰে টুইট কৰি কয় যে, আলমগঞ্জ আৰক্ষী থানা এলেকাত মেঘালয়ৰ দুজন লোকক নিৰ্যাতন চলোৱা হৈছে (Alamganj police station)। দুয়োজন লোকক পিচত আৰক্ষী থানালৈ আনি উক্ত ঘটনা সন্দৰ্ভত তথ্য বিচৰা হয় । আৰক্ষীয়ে কয় যে এই ঘটনাৰে জড়িত লোকৰ বিৰুদ্ধে আইনী ব্যৱস্থা লোৱা হ'ব ।
ইপিনে,মেঘালয়ৰ মুখ্যমন্ত্ৰী কনৰাড চাংমাইও এই ঘটনাটোক গৰিহণা দিছে (manhandled with Meghalaya persons by miscreants )। তেওঁ আৰক্ষী বিষয়াসকলক বিহাৰৰ জ্যেষ্ঠ বিষয়াসকলৰ সৈতে যোগাযোগত থাকিবলৈ নিৰ্দেশ দিছে । এই তথ্য লাভ কৰাৰ পিচত উপ মুখ্যমন্ত্ৰীয়ে ৰাজ্যৰ আৰক্ষী সঞ্চালক প্ৰধান এল আৰ বিষ্ণৈইক ফোন কৰি তৎক্ষণাৎ বিহাৰৰ মুখ্যমন্ত্ৰী নীতিশ কুমাৰৰ সৈতে যোগাযোগ কৰে ।