প্ৰধানমন্ত্ৰী মোডীৰ শাসনকালৰ মাইলৰ খুঁটিসমূহৰ চমু আভাষ...

আজি 71 বছৰত ভৰি দিলে দেশৰ প্ৰধানমন্ত্ৰী নৰেন্দ্ৰ মোডীয়ে(Prime Minister Narendra Modi) ৷ তেওঁৰ জন্মদিনটো ঐতিহাসিকৰূপে পালন কৰাৰ পৰিকল্পনা প্ৰস্তুত কৰিছে বিজেপিয়ে(BJP) । বিজেপিৰ লক্ষ্য অনুসৰি, প্ৰধানমন্ত্ৰী মোডীৰ জন্মদিনত দেশবাসীক সৰ্বাধিক ক’ভিড ভেকচিন(Covid Vaccine) প্ৰদান কৰা হ’ব ৷ লগতে 21 দিনীয়া ‘সেৱা আৰু সমৰ্পণ’ অভিযানো আৰম্ভ কৰিব বিজেপিয়ে ৷

নিউজ ডেস্ক, 17 ছেপ্তেম্বৰ : আজি দেশৰ প্ৰধানমন্ত্ৰী নৰেন্দ্ৰ মোডী(Prime Minister Narendra Modi) 71 সংখ্যক জন্মদিন ৷ প্ৰধানমন্ত্ৰীগৰাকীৰ ওপজা দিনটো ঐতিহাসিকৰূপে পালন কৰাৰ সিদ্ধান্ত লৈছে কেন্দ্ৰীয় বিজেপিয়ে(BJP) ৷ প্ৰধানমন্ত্ৰী মোডীৰ জন্মদিনৰ শুভক্ষণত দেশবাসীক সৰ্বাধিক ক’ভিড ভেকচিন(Covid Vaccine) প্ৰদান কৰা হ’ব ৷ ইয়াৰ লগতে, 21 দিনীয়াকৈ ‘সেৱা আৰু সমৰ্পণ’ অভিযানো আৰম্ভ কৰিব বিজেপিয়ে ৷

1950 চনৰ 17 ছেপ্তেম্বৰত গুজৰাটৰ এখন সৰু চহৰত জন্মগ্ৰহণ কৰিছিল প্ৰধানমন্ত্ৰী মোডডীয়ে ৷ এটা দৰিদ্ৰ পৰিয়ালত ডাঙৰ-দীঘল হোৱা মোডীৰ জীৱনৰ প্ৰাৰম্ভিক কষ্টবোৰে তেওঁক কঠোৰ পৰিশ্ৰমৰ মূল্য শিকাইছিল । আৰম্ভণিতে তেওঁ ৰাষ্ট্ৰীয় স্বয়ংসেৱক সংঘৰ(RSS) সৈতে কাম কৰিছিল ৷

তাৰ পাচত ৰাষ্ট্ৰীয় আৰু ৰাজ্যিক পৰ্যায়ত ভাৰতীয় জনতা পাৰ্টি সংগঠনৰ(BJP) সৈতে কাম কৰি ৰাজনীতিত যোগদান কৰিছিল । প্ৰধানমন্ত্ৰী মোডীয়ে গুজৰাট বিশ্ববিদ্যালয়ৰ পৰা ৰাজনীতি বিজ্ঞানত স্নাতকোত্তৰ ডিগ্ৰী সম্পূৰ্ণ কৰিছিল ।

প্ৰধানমন্ত্ৰী মোডীয়ে ‘প্ৰধানমন্ত্ৰী’ হিচাপে তেওঁৰ দ্বিতীয় কাৰ্যকালৰ তৃতীয়টো বছৰ কাৰ্যনিৰ্বাহ কৰি আছে ৷ তেওঁ ‘সবকা সাথ, সবকা বিকাশ, সবকা বিশ্বাস’ৰ মূলমন্ত্ৰৰে প্ৰধানমন্ত্ৰী হিচাপে দায়িত্বভাৰ গ্ৰহণ কৰিছিল ৷ প্ৰধানমন্ত্ৰী হিচাপে দায়িত্ব লোৱাৰ পাচৰ পৰাই সামগ্ৰিক, উন্নয়নমুখী আৰু দুৰ্নীতিমুক্ত ভাৰত গঢ়াৰ চেষ্টা অব্যাহত ৰাখিছে প্ৰধানমন্ত্ৰীগৰাকীয়ে ৷

2014 চনৰ পৰা 2019 চনলৈ ভাৰতৰ প্ৰধানমন্ত্ৰী হিচাপে প্ৰথমবাৰ কাৰ্যনিৰ্বাহ কৰাৰ পাচত 2019 চনৰ মে’ মাহত দ্বিতীয় কাৰ্যকালৰ বাবে শপত গ্ৰহণ কৰিছিল প্ৰধানমন্ত্ৰী মোডীয়ে । 2001 চনৰ অক্টোবৰ মাহৰ পৰা 2014 চনৰ মে’ মাহলৈকে তেওঁ গুজৰাটৰ আটাইতকৈ দীঘলীয়া সময়ৰ মুখ্যমন্ত্ৰী হিচাপে পদত অধিষ্ঠিত হৈ আছিল ।

ইফালে আগন্তুক 7 অক্টোবৰত তেওঁ অন্য এক সফলতা অৰ্জন কৰিব ৷ কিয়নো উক্ত দিনটোতেই ৰাইজৰ সেৱাত ব্ৰতী থকাৰ 20 টা বছৰ সম্পূৰ্ণ কৰিব প্ৰধানমন্ত্ৰী মোডীয়ে ৷ 2014 আৰু 2019 চনৰ নিৰ্বাচনত তেওঁ ভাৰতীয় জনতা পাৰ্টীক(BJP) নেতৃত্ব দি দুবাৰকৈ নিৰংকুশ সংখ্যাগৰিষ্ঠতা আসন লাভ কৰিবলৈ সক্ষম হৈছিল ৷

প্ৰধানমন্ত্ৰী মোডীৰ(PM Modi) অধীনত বিজেপি নেতৃত্বাধীন চৰকাৰে কেইবাটাও কল্যাণমূলক পদক্ষেপ গ্ৰহণ কৰিছে । আয়ুষ্মান ভাৰত(Ayushman Bharat) হৈছে বিশ্বৰ সৰ্ববৃহৎ স্বাস্থ্যসেৱা কাৰ্যসূচী, যিয়ে 50 কোটিতকৈও অধিক ভাৰতীয়ক সামৰি লৈছে । প্ৰধানমন্ত্ৰী জন ধন যোজনাৰ(Pradhan Mantri Jan Dhan Yojana) অংশ হিচাপে 35 কোটিতকৈও অধিক জন ধন একাউণ্ট খোলা হৈছে, যাৰ লক্ষ্য হৈছে প্ৰতিগৰাকী ভাৰতীয়ক ধন লেন-দেনৰ সুবিধাৰ্থে বেংক একাউণ্টৰ সুবিধা প্ৰদান কৰা । সমাজৰ আটাইতকৈ দুৰ্বল শ্ৰেণীৰ বাবে বীমা আৰু পেঞ্চনৰ উপৰিও JAM trinity (Jan Dhan- Aadhaar- Mobile)য়ে দেশত স্বচ্ছতা অনাৰ লগতে আৰু দুৰ্নীতিৰ পৰিমাণ হ্ৰাস কৰিছে ।

মোডী চৰকাৰে বিভিন্ন শ্ৰেণীৰ বাবে পেঞ্চন আঁচনি প্ৰস্তুত কৰিছে । প্ৰধানমন্ত্ৰী উজ্জ্বলা যোজনা(Pradhan Mantri Ujjwala Yojana) আঁচনিয়ে 7 কোটিৰো অধিক হিতাধিকাৰীক ধোঁৱামুক্ত পাকঘৰ প্ৰদান কৰিছে ৷ স্বাধীনতাৰ 70 বছৰৰ পাচত বিদ্যুৎ বিহীন প্ৰায় 18,000 খন গাঁৱত বিদ্যুৎ সংযোগ কৰা হৈছে । আগন্তুক 2022 চনৰ ভিতৰত ‘সকলোৰে বাবে গৃহ নিৰ্মাণ’ৰ লক্ষ্য হাতত লৈছে মোডী নেতৃত্বাধীন বিজেপি চৰকাৰে ৷

আনহাতে, প্ৰধানমন্ত্ৰী কিষাণ সন্মান নিধি(PM Kisan Samman Nidhi), মৃত্তিকা স্বাস্থ্য কাৰ্ড(Soil Health Cards), ই-এনএএমৰ(E-NAM) দৰে আঁচনিৰ জৰিয়তে কৃষিৰ ওপৰচ গুৰুত্ব প্ৰদান কৰা হৈছে । 2014 চনত প্ৰধানমন্ত্ৰী মোডীয়ে ২‘স্বচ্ছ ভাৰত Swachh Bharat Mission) আৰম্ভ কৰিছিল আৰু ইয়াৰ অন্তৰ্গত চেনিটাইজেশ্যন প্ৰক্ৰিয়া 2014 চনত 38 শতাংশৰ পৰা 99 শতাংশলৈ বৃদ্ধি পাইছে ।

ইয়াৰোপৰি ৰাষ্ট্ৰীয় ঘাইপথ, ৰে’লপথ, আই-ৱে আৰু জলপথ নিৰ্মাণৰ ক্ষেত্ৰত পৰৱৰ্তী প্ৰজন্মৰ আন্তঃগাঁথনি প্ৰয়োগ কৰিছে । প্ৰধানমন্ত্ৰীৰ UDAN আঁচনিয়ে এই সংযোগ বৃদ্ধি কৰিবলৈ চেষ্টা কৰিছে । প্ৰধানমন্ত্ৰীয়ে আৰম্ভ কৰা ‘মেক ইন ইণ্ডিয়া’(Make in India) উদ্যোগটোৱে দেশৰ উৎপাদনক দ্ৰুত গতিত আগুৱাই নিয়াত সদায় কৰিছে । মোডী চৰকাৰে ডিজিটেল লেনদেনক উৎসাহিত কৰিছে আৰু মুদ্ৰা যোজনাৰ(Mudra Yojana) জৰিয়তে পুঁজি যোগানত সহায় আগবঢ়াইছে ৷

বিভিন্ন ক্ষেত্ৰত অৰ্থনৈতিক সংস্কাৰ আৰু GST আৰম্ভ হোৱাৰ উপৰিও, মোডী চৰকাৰে ভাৰতৰ সমৃদ্ধ ইতিহাস আৰু সংস্কৃতিৰ প্ৰতিও মনোযোগ দিছে । ভাৰতত বিশ্বৰ সৰ্ববৃহৎ প্ৰতিমূৰ্তি ‘Statue of Unity’ আছে, য’ত চৰ্দাৰ বল্লৱভাই পেটেলক সমগ্ৰ দেশে শ্ৰদ্ধাঞ্জলি জ্ঞাপন কৰাৰ সুবিধা লাভ কৰিছে ।

প্ৰধানমন্ত্ৰী মোডীৰ নেতৃত্বত ভাৰতে নৱীকৰণযোগ্য শক্তি সংৰক্ষণ কৰাত সহায় কৰিছে । এই অৱদানৰ বাবে ৰাষ্ট্ৰসংঘৰ দ্বাৰা ‘Champions of the Earth Award’ৰে সন্মানিত কৰা হৈছে প্ৰধানমন্ত্ৰীগৰাকীক । তেওঁ দুৰ্যোগ ব্যৱস্থাপনা, প্ৰযুক্তিৰ শক্তি আৰু মানৱ সম্পদৰ শক্তিক ব্যৱহাৰ কৰি দেশত এক নতুন দৃষ্টিভংগী আনিবলৈ চেষ্টা কৰিছে ।

প্ৰধানমন্ত্ৰী মোডীয়ে তেওঁৰ বৈদেশিক নীতিৰ ক্ষেত্ৰত গ্ৰহণ কৰিব পৰা পদক্ষেপৰ আভাস দি SAARC ৰাষ্ট্ৰসমূহৰ সকলো ৰাষ্ট্ৰপ্ৰধানৰ উপস্থিতিত প্ৰথমটো কাৰ্যকাল আৰম্ভ কৰে আৰু দ্বিতীয় কাৰ্যকালৰ আৰম্ভণিতে BIMSTEC নেতাসকলক আমন্ত্ৰণ জনায় ।

প্ৰধানমন্ত্ৰী মোডীক ৰজা আব্দুল আজিজৰ চৌদি আৰৱৰ সৰ্বোচ্চ অসামৰিক সন্মান(Saudi Arabia Sash of King Abdulaziz) সহ বিভিন্ন সন্মানেৰে সন্মানিত কৰা হয় ৷ তেওঁক ৰাছিয়া (The Order of the Holy Apostle Andrew the First), পেলেষ্টাইন (Grand Collar of the State of Palestine), আফগানিস্তান (Amir Amanullah Khan Award), ইউ এ ই (Zayed Medal) আৰু মালদ্বীপ (Rule of Nishan Izzuddeen)ৰ কেইবাটাও শীৰ্ষ বঁটা প্ৰদান কৰা হৈছে ।

2018 চনত প্ৰধানমন্ত্ৰীয়ে শান্তি আৰু উন্নয়নৰ ক্ষেত্ৰত আগবঢ়োৱা অৱদানৰ বাবে সন্মানীয় ‘Seoul Peace Prize’ লাভ কৰে । নৰেন্দ্ৰ মোডীয়ে এটা দিনক ‘আন্তৰ্জাতিক যোগ দিৱস’(International Day of Yoga) হিচাপে চিহ্নিত কৰাৰ আহ্বানে ৰাষ্ট্ৰসংঘত এক অভূতপূৰ্ব সঁহাৰি লাভ কৰিছিল ।

অন্যতম প্ৰযুক্তি-জ্ঞানী নেতা হিচাপে পৰিচিত তেওঁ পৰিৱৰ্তনৰ ক্ষেত্ৰত নানা ধৰণৰ প্ৰযুক্তিৰ ব্যৱহাৰ কৰিবলৈ চেষ্টা কৰিছে । কবিতাকে ধৰি ইতিমধ্যে কেইবাখনো কিতাপ লিখিছে প্ৰধানমন্ত্ৰী মোডীয়ে । মোডী চৰকাৰে সকলোৰে বাবে খোৱা পানী, ৰাস্তা, প্ৰতিখন গাঁৱলৈ ব্ৰডবেণ্ড সংযোগ আৰু সকলোৰে বাবে শিক্ষাৰ পৰিকল্পনা কৰিছে ।

মোডী চৰকাৰে গ্ৰহণ কৰা মেক ইন ইণ্ডিয়া, ডিজিটেল ইণ্ডিয়া, স্কীল ইণ্ডিয়া, ফিট ইণ্ডিয়া আৰু আত্মনিৰ্ভৰশীল ভাৰতকে ধৰি বিভিন্ন পদক্ষেপৰ মূল লক্ষ্য হৈছে এখন নৱ ভাৰত গঢ়ি তোলা ।

লগতে পঢ়ক:মন্ত্ৰী সৰ্বানন্দ সোণোৱালে মুকলি কৰিব উনানী ঔষধ পাঠ্যক্ৰমৰ প্ৰথমটো শিক্ষাবৰ্ষ