Karnataka Polls : কৰ্ণাটকত প্ৰধানমন্ত্ৰীয়ে উদ্বোধন কৰিব প্ৰায় ১৬ হাজাৰ কোটি টকাৰ প্ৰকল্প

আগন্তুক কৰ্ণাটক বিধানসভাৰ নিৰ্বাচনক লৈ বিভিন্ন জল্পনা কল্পনা চলি থকাৰ মাজতে দেওবাৰে প্ৰধানমন্ত্ৰী মোডীয়ে প্ৰায় ১৬ হাজাৰ কোটি টকাৰ প্ৰকল্প মুকলি কৰিব ৰাজ্যখনত (PM Modi to launch 16000 crore project in Karnataka)। বেংগালুৰু-মহীশূৰ এক্সপ্ৰেছ ৱে’ও মুকলি কৰিব প্ৰধানমন্ত্ৰীয়ে । পুনৰ ক্ষমতাত থাকিবলৈ বিজেপিৰ প্ৰচেষ্টা অব্যাহত আছে ।

নেশ্যনেল ডেস্ক,১২ মাৰ্চ : সমাগত কৰ্ণাটকৰ বিধানসভা নিৰ্বাচন (Karnataka Polls 2023)। দিন ঘোষণা হোৱা নাই যদিও মে' মাহৰ পূৰ্বে নিৰ্বাচন অনুষ্ঠিত হোৱাৰ কথা আছে । যাৰ বাবে ইতিমধ্যে শাসকীয় দলকে ধৰি প্ৰতিটো ৰাজনৈতিক দলে নিৰ্বাচনী তৎপৰতা আৰম্ভ কৰিছে । নিৰ্বাচনীমুখী কৰ্ণাটকৰ ভোটাৰক আকৰ্ষণ কৰাৰ উদ্দেশ্যে শাসকীয় বিজেপি দলেও বিভিন্ন পদক্ষেপ লৈছে ।

তাৰ প্ৰতি লক্ষ্য ৰাখি দেওবাৰে প্ৰধানমন্ত্ৰী নৰেন্দ্ৰ মোডীয়ে কৰ্ণাটক ভ্ৰমণ কৰিব (PM Modi Karnataka visits)। য'ত তেওঁ প্ৰায় ১৬,০০০ কোটি টকাৰ বিভিন্ন উন্নয়নমূলক প্ৰকল্পৰ শুভাৰম্ভ আৰু আধাৰশিলা স্থাপন কৰিব । লগতে এক বিশাল ৰোড শ্ব'ত অংশগ্ৰহণ কৰিব ৷ প্ৰধানমন্ত্ৰী মোডীয়ে বেংগালুৰু-মহীশূৰ এক্সপ্ৰেছ ৱে’ আৰু পুনৰ নিৰ্মাণ কৰা হোচাপেট ষ্টেচন উদ্বোধন কৰিব (PM Modi to inaugurate Bengaluru Mysuru expressway)৷

২৭৫ নং ৰাষ্ট্ৰীয় ঘাইপথৰ ১১৮ কিলোমিটাৰ দৈৰ্ঘ্যৰ বেংগালুৰু-নিদাঘাট্টা-মহীশূৰ শাখাৰ ৬ লেনযুক্ত পথটো ৮,৪৮০ কোটি টকা ব্যয়েৰে নিৰ্মাণ কৰা হৈছে । বেংগালুৰু আৰু মহীশূৰৰ মাজত বহু প্ৰত্যাশিত এক্সপ্ৰেছৱে দেওবাৰে প্ৰধানমন্ত্ৰীয়ে উদ্বোধন কৰিব বুলি ইতিমধ্যে কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে টুইটযোগে জনাইছে ।

উল্লেখ্য যে, কৰ্ণাটকত দুমাহৰ ভিতৰত বিধানসভা নিৰ্বাচন অনুষ্ঠিত হ'ব আৰু শাসকীয় ভাৰতীয় জনতা পাৰ্টিৰ (বিজেপি) নেতাসকলে ক্ষমতা বজাই ৰাখিবলৈ সৰ্বাধিক প্ৰচেষ্টা চলাব আনহাতে, কংগ্ৰেছ নেতাসকলেও নিজৰ হেৰুওৱা ক্ষমতা পুনৰ লাভ কৰাৰ ক্ষেত্ৰত আত্মবিশ্বাসী ।

বিজেপি আৰু কংগ্ৰেছ দুয়োটা ৰাষ্ট্ৰীয় দলৰ বাবে, ২০২৪ চনৰ সাধাৰণ নিৰ্বাচনৰ পূৰ্বে দক্ষিণ ভাৰতত নিজৰ স্থিতি শক্তিশালী কৰাৰ বাবে কৰ্ণাটকৰ বিজয় গুৰুত্বপূৰ্ণ হৈ পৰিছে (General Election 2024)। বিজেপিৰ ৰাষ্ট্ৰীয় নেতৃত্বই একমাত্ৰ দক্ষিণৰ ৰাজ্যখন ধৰি ৰাখিবলৈ গুৰুত্বপূৰ্ণ প্ৰচেষ্টা চলাই আছে য'ত তেওঁলোক বৰ্তমান শাসনত আছে । যদিও বিজেপিয়ে তেলেংগানা আৰু কেৰালাত শক্তিশালী স্থিতিত আছে, আঞ্চলিক সমীকৰণৰ কথা বিবেচনা কৰি তেওঁলোকৰ বাবে ই এক কঠিন হৈ পৰিছে ।

বিজেপি নেতা আৰু কৰ্মীসকলে প্ৰধানমন্ত্ৰী মোডীৰ কৰ্ণাটক ভ্ৰমণক এক বৃহৎ সফলতা হিচাপে দেখুৱাবলৈ ব্যাপক প্ৰচেষ্টা চলাইছে । প্ৰধানমন্ত্ৰীৰ সৈতে অনুষ্ঠানত কৰ্ণাটকৰ মুখ্যমন্ত্ৰী বাসবৰাজ বোম্মাই, প্ৰাক্তন মুখ্যমন্ত্ৰী য়েদিয়ুৰাপ্পা আৰু অন্যান্য নেতাসকলো উপস্থিত থাকিব ।

লগতে পঢ়ক :Posters in Telangana on BJP : 'ৰেইড' বাছিং পাউডাৰেৰে গেৰুৱা হৈছে হিমন্ত, মোদী 'ৰাৱণ'ৰ অৱতাৰ