নিউজ ডেস্ক, 12 মাৰ্চ: শুকুৰবাৰে আহমেদাবাদৰ সৱৰমতী আশ্ৰমত ‘আজাদী কা অমৃত মহোৎসৱ’ উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে ৷ ইয়াৰ উপৰিও সৱৰমতী আশ্ৰমৰ পৰা আৰম্ভ হ’বলগীয়া পদযাত্ৰাৰো শুভাৰম্ভ কৰিব প্ৰধানমন্ত্ৰী মোদীয়ে ৷ ভাৰত চৰকাৰে দেশৰ স্বাধীনতাৰ 75 সংখ্যক বাৰ্ষিকীৰ স্মৰণৰ উদ্দেশ্যে এই মহোৎসৱখনি আয়োজন কৰিছে ৷
সৱৰমতী আশ্ৰমৰ পৰা আৰম্ভ হ’বলগীয়া পদযাত্ৰা সন্দৰ্ভত বৃহস্পতিবাৰে কেন্দ্ৰীয় পৰ্যটন মন্ত্ৰী প্ৰহ্লাদ সিং পাটিলে কৈছিল যে, ‘এই পদযাত্ৰাৰ শুভাৰম্ভ কৰিব প্ৰধানমন্ত্ৰী নৰেন্দ্ৰ মোদীয়ে ৷ সৱৰমতী আশ্ৰমৰ পৰা আৰম্ভ হ’বলগীয়া 25 দিনীয়া এই পদযাত্ৰাৰ 5 এপ্ৰিলত দাণ্ডীত সামৰণি পৰিব ৷’ পদযাত্ৰাৰ আৰম্ভণিৰ পৰা প্ৰায় 75 কিলোমিটাৰ পথ যাত্ৰা কৰিব কেন্দ্ৰীয় পৰ্যটন মন্ত্ৰী প্ৰহ্লাদ সিং পাটিলে ৷