PM Modi America visit : জ' বিডেন আৰু প্ৰধানমন্ত্ৰী মোডীৰ মাজত কি বিষয়ক লৈ হ'ব আলোচনা ?

চলিত মাহৰ শেষৰ ফালে প্ৰধানমন্ত্ৰী নৰেন্দ্ৰ মোডীয়ে আমেৰিকা ভ্ৰমণ কৰিব (PM Modi to visit America)। এই ভ্ৰমণকালত মোডীয়ে আমেৰিকা যুক্তৰাষ্ট্ৰৰ ৰাষ্ট্ৰপতিৰ সৈতে কেইবাটাও বিষয়ত আলোচনা কৰিব । হোৱাইট হাউচৰ প্ৰেছ সচিব কেৰিন জিন পিয়েৰে এই সন্দৰ্ভত তথ্য প্ৰকাশ কৰিছে ।

নেশ্যনেল ডেস্ক,৮ জুন :ভাৰতৰ প্ৰধানমন্ত্ৰী নৰেন্দ্ৰ মোডীয়ে অহা ২২ জুনত আমেৰিকা ভ্ৰমণ কৰাৰ কথা আছে (PM Modi to visit America)। এই ভ্ৰমণক লৈ এতিয়া বিভিন্ন মহলত জল্পনা কল্পনাও আৰম্ভ হৈছে । এই ভ্ৰমণকালত প্ৰধানমন্ত্ৰী মোডী আৰু আমেৰিকা যুক্তৰাষ্ট্ৰৰ ৰাষ্ট্ৰপতি জ' বিডেনে ইণ্ডো-পেচিফিক সম্পৰ্ক সন্দৰ্ভত আলোচনা কৰিব বুলি এক চৰ্চা চলিছে ।

প্ৰধানমন্ত্ৰী মোডী আৰু আমেৰিকা যুক্তৰাষ্ট্ৰৰ ৰাষ্ট্ৰপতি জ' বিডেনে এক মুক্ত, সমৃদ্ধ আৰু সুৰক্ষিত ইণ্ডো-পেচিফিক অঞ্চলৰ ৰণনীতিৰ বিষয়ে আলোচনা কৰিব বুলিও হোৱাইট হাউছৰ এক সূত্ৰই জনাইছে (Discussion on Indo Pacific relation)।

প্ৰেছ সচিব কেৰিন জিন-পিয়েৰে এই সন্দৰ্ভত কয় যে আমেৰিকাই এক সুৰক্ষিত ইণ্ডো-পেচিফিক অঞ্চলৰ প্ৰতি তেওঁলোকৰ প্ৰতিশ্ৰুতি শক্তিশালী কৰিব । দুয়োগৰাকী নেতাই প্ৰতিৰক্ষাৰ ওপৰত বিশেষ গুৰুত্ব দি কৌশলগত প্ৰযুক্তিৰ অংশীদাৰিত্ব বৃদ্ধিৰ বাবে তেওঁলোকৰ অংশীদাৰী সংকল্পৰ ওপৰতো গুৰুত্ব আৰোপ কৰিব । প্ৰধানমন্ত্ৰী মোডীয়ে ৰাষ্ট্ৰপতি জ' বিডেন আৰু ফাৰ্ষ্ট লেডী জিল বিডেনৰ আমন্ত্ৰণ ৰক্ষা কৰি ২২ জুনত আমেৰিকা ভ্ৰমণ কৰাৰ কথা আছে ।

প্ৰধানমন্ত্ৰী নৰেন্দ্ৰ মোডী হৈছে প্ৰথমগৰাকী ভাৰতীয় প্ৰধানমন্ত্ৰী যিয়ে ২১ ৰ পৰা ২৪ জুনলৈ তেওঁৰ আগন্তুক আমেৰিকা ভ্ৰমণৰ সময়ত দ্বিতীয়বাৰৰ বাবে আমেৰিকা যুক্তৰাষ্ট্ৰৰ কংগ্ৰেছৰ যুটীয়া বৈঠকত ভাষণ প্ৰদান কৰিব ।

ভাৰতৰ প্ৰধানমন্ত্ৰী আৰু ৰাষ্ট্ৰপতি জ' বিডেনৰ মাজত কি কি বিষয়ক লৈ আলোচনা হ'ব সেই সন্দৰ্ভত প্ৰেছ সচিবগৰাকীয়ে কয় যে এই ভ্ৰমণ সম্পৰ্কে তেওঁ আৰু একো ক'ব নোৱাৰে । ভ্ৰমণৰ তাৰিখ নিশ্চিত হ'লে সকলো কথা শ্বেয়াৰ কৰা হ'ব বুলি তেওঁ উল্লেখ কৰে । তেওঁ লগতে কয় যে প্ৰধানমন্ত্ৰী মোডীৰ আগন্তুক ভ্ৰমণে ভাৰত আৰু আমেৰিকা যুক্তৰাষ্ট্ৰৰ মাজত গভীৰ আৰু ঘনিষ্ঠ অংশীদাৰিত্ব পুনৰ নিশ্চিত কৰিব । তেওঁ কয় যে এই বৈঠকত নিশ্চিতভাৱে সেউজ ইন্ধন আৰু মহাকাশ পৰিকল্পনাৰ বিষয়েও আলোচনা কৰা হ'ব । অৱশ্যে এতিয়ালৈ একো স্পষ্ট হোৱা নাই বুলিও তেওঁ উল্লেখ কৰে ।

লগতে পঢ়ক :US Defence Secretary on NATO : ভাৰত-প্ৰশান্ত মহাসাগৰত নাটো প্ৰতিষ্ঠাৰ চেষ্টা কৰা নাই; আমেৰিকাৰ প্ৰতিৰক্ষা সচিব