গুজৰাটত মেট্ৰ' ৰে'ল প্ৰকল্পৰ ভূমি পূজনত অংশ ল'লে প্ৰধানমন্ত্ৰীয়ে

ভূমি পূজনত গুজৰাটৰ ৰাজ্যপাল আচাৰ্য দেৱব্ৰত,কেন্দ্ৰীয় গৃহমন্ত্ৰী অমিত শ্বাহ,গুজৰাটৰ মুখ্যমন্ত্ৰী বিজয় ৰূপানী আৰু কেন্দ্ৰীয় গৃহ আৰু নগৰ পৰিক্ৰমা মন্ত্ৰী হৰদীপ সিং পুৰী উপস্থিত আছিল ।

নিউজ ডেস্ক, 18 জানুৱাৰী : প্ৰধানমন্ত্ৰী নৰেন্দ্ৰ মোডীয়ে সোমবাৰে ভিডিঅ’ কনফাৰেন্সৰ জড়িয়তে গুজৰাটৰ আহমেদাবাদৰ মেট্ৰ' ৰে'ল প্ৰকল্পৰ দ্বিতীয় পৰ্যায়ৰ আৰু চুৰাট মেট্ৰ' ৰে'ল প্ৰকল্পৰ ‘পূজন’ কৰে । প্ৰধানমন্ত্ৰী মোডীয়ে টুইট কৰি গুজৰাটৰ বাবে আজিৰ দিনটো ঐতিহাসিক বুলি উল্লেখ কৰি এই কথা প্ৰকাশ কৰে ।

এক চৰকাৰী বিজ্ঞাপনত এই মেট্ৰ' ৰে’ল প্ৰকল্পই চহৰাঞ্চলত পৰিৱেশ অনুকূল 'গণ দ্ৰুত পৰিবহন প্ৰণালী' প্ৰদান কৰিব বুলি আশা কৰা হয় । ভূমি পূজনত গুজৰাটৰ ৰাজ্যপাল আচাৰ্য দেৱব্ৰত,কেন্দ্ৰীয় গৃহমন্ত্ৰী অমিত শ্বাহ,গুজৰাটৰ মুখ্যমন্ত্ৰী বিজয় ৰূপানী আৰু কেন্দ্ৰীয় গৃহ আৰু নগৰ পৰিক্ৰমা মন্ত্ৰী হৰদীপ সিং পুৰী উপস্থিত আছিল ।

উল্লেখ্য যে,আহমেদাবাদৰ মেট্ৰ' ৰে'ল প্ৰকল্পৰ দ্বিতীয় পৰ্যায়ৰ দুটা কৰিডৰৰ সৈতে 28.25 কিলোমিটাৰ দীঘল আৰু এই সেৱাই মটেৰা ষ্টেডিয়ামৰ লগত মহাত্মা মন্দিৰক সংলগ্ন কৰিছে । এই প্ৰকল্পৰ বাবে ব্যয় হৈছে প্ৰায় 5,384 কোটি টকা । আনহাতে চুৰাট মেট্ৰ' ৰে'ল প্ৰকল্প 40.35 কিলোমিটাৰ দীঘল আৰু ইয়াত দুটা কৰিডৰ আছে । প্ৰথম কৰিডৰটোৱে চুৰাট মেট্ৰ' ৰে'লে সৰথনাৰ লগতে ড্ৰিম চিটিক সংলগ্ন কৰিছে । আনহাতে দ্বিতীয়টো কৰিডৰে ভেচানৰ লগত চাৰ্লিক সংলগ্ন কৰিছে । এই প্ৰকল্পটোৰ বাবে ব্যয় হৈছে প্ৰায় 12,020 কোটি টকা ।

লগতে পঢ়ক :শ্ৰীকৃষ্ণ জন্মভূমিক লৈ মথুৰা আদালতত শুনানি আৰম্ভ