নেশ্যনেল ডেস্ক, 11 নৱেম্বৰ : আজি 11 নৱেম্বৰ অৰ্থাৎ ৰাষ্ট্ৰীয় শিক্ষা দিৱস ৷ দেশৰ প্ৰথমগৰাকী শিক্ষামন্ত্ৰী মৌলানা আবুল কালাম আজাদৰ জন্মদিনটোৰ লগত সংগতি ৰাখি এই ৰাষ্ট্ৰীয় শিক্ষা দিৱস পালন কৰি অহা হৈছে ৷
বৃহস্পতিবাৰে প্ৰধানমন্ত্ৰী নৰেন্দ্ৰ মোডীয়ে মৌলানা আবুল কালাম আজাদক তেখেতৰ জন্ম জয়ন্তীত শ্ৰদ্ধাঞ্জলি জ্ঞাপন কৰি টুইট কৰে ৷ টুইটাৰৰ জৰিয়তে তেওঁ স্বাধীনতা আন্দোলনত আজাদৰ ভূমিকাক প্ৰশংসা কৰি কয় যে, শিক্ষাখণ্ডৰ প্ৰতি তেওঁ যথেষ্ট আগ্ৰহী ব্যক্তি আছিল আৰু সমাজত ভাতৃত্ববোধ স্থাপনৰ হেতুকে আপ্ৰাণ চেষ্টা চলাই গৈছিল ৷