অৰুণ জেটলীৰ জন্ম বাৰ্ষিকীত তেওঁলৈ শ্ৰদ্ধাঞ্জলি জ্ঞাপন প্ৰধানমন্ত্ৰী মোদীৰ

"মোৰ বন্ধু অৰুণ জেটলীক তেখেতৰ জন্ম বাৰ্ষিকীত শ্ৰদ্ধাৰে সোঁৱৰিছো ৷ তেখেতৰ উমাল ব্যক্তিত্বক ঘনিষ্ঠ সকলোৱেই স্মৰণ কৰে ৷ তেখেতে ভাৰতৰ উন্নয়নৰ বাবে কঠোৰ পৰিশ্ৰম কৰিছিল ৷" প্ৰয়াত বিজেপি নেতা অৰুণ জেটলীক তেওঁৰ জন্ম বাৰ্ষিকীত সুঁৱৰি টুইটযোগে এই মন্তব্য কৰে প্ৰধানমন্ত্ৰী মোদীয়ে ৷

নেশ্যনেল ডেস্ক,28 ডিচেম্বৰ: প্ৰয়াত বিজেপি নেতা অৰুণ জেটলীক তেখেতৰ জন্ম বাৰ্ষিকীত শ্ৰদ্ধাৰে সোঁৱৰে প্ৰধানমন্ত্ৰী নৰেন্দ্ৰ মোদীয়ে ৷ জেটলীৰে ঘনিষ্ঠ সম্পৰ্ক থকা সকলো লোকেই তেখেতৰ ব্যক্তিত্বক সোঁৱৰে বুলি মন্তব্য কৰে প্ৰধানমন্ত্ৰী মোদীয়ে ৷ জেটলীৰ জন্ম বৰ্ষিকীত দলৰ অন্যান্য নেতাসকলেও তেওঁলৈ শ্ৰদ্ধাঞ্জলি নিবেদন কৰে ৷

এক টুইটযোগে মোদীয়ে কয়,"মোৰ বন্ধু অৰুণ জেটলীক তেখেতৰ জন্ম বাৰ্ষিকীত শ্ৰদ্ধাৰে সোঁৱৰিছো ৷ তেখেতৰ উমাল ব্যক্তিত্বক ঘনিষ্ঠ সকলোৱেই স্মৰণ কৰে ৷ তেখেতে ভাৰতৰ উন্নয়নৰ বাবে কঠোৰ পৰিশ্ৰম কৰিছিল ৷"

আনহাতে,গৃহমন্ত্ৰী অমিত শ্বাহে কয়,‘অৰুণ জেটলীয়ে ভাৰতৰ ৰাজনীতিত যথেষ্ট অৱদান আগবঢ়াছে ৷ তেখেতে একাগ্ৰতা,শ্ৰদ্ধাৰে দেশৰ বাবে কাম কৰি গৈছিল ৷ তেওঁলৈ মোৰ তৰফৰ পৰা শ্ৰদ্ধাঞ্জলি ৷’

ইয়াৰ উপৰিও প্ৰয়াত প্ৰাক্তন বিত্তমন্ত্ৰী গৰাকীক তেওঁৰ জন্ম বাৰ্ষিকীত বিজেপিৰ সভাপতি জে পি নাড্ডা আৰু প্ৰতিৰক্ষা মন্ত্ৰী ৰাজনাথ সিঙেও শ্ৰদ্ধাঞ্জলি জ্ঞাপন কৰে ৷ উল্লেখ্য যে,1952 চনত জন্মগ্ৰহণ কৰা জেটলীয়ে 2019ৰ আগষ্টত শেষ নিশ্বাস ত্যাগ কৰে ৷

লগতে পঢ়ক-আজি অসমকে ধৰি চাৰি ৰাজ্যত পৰীক্ষণমূলক ক'ভিড প্ৰতিষেধক অভিযান