মুৰলী মনোহৰ যোশীক জন্মদিনৰ শুভেচ্ছা জ্ঞাপন প্ৰধানমন্ত্ৰী মোডীৰ

প্ৰাক্তন কেন্দ্ৰীয় মন্ত্ৰী তথা সাংসদ মুৰলী মনোহৰ যোশীক জন্মদিনৰ শুভেচ্ছা জ্ঞাপন কৰিলে প্ৰধানমন্ত্ৰী মোডীয়ে ৷ এক টুইটাৰৰ জৰিয়তে যোশীৰ দীৰ্ঘায়ু কামনা কৰে প্ৰধানমন্ত্ৰী মোডীয়ে ৷

নেশ্যনেল ডেস্ক, 5 জানুৱাৰী :প্ৰধানমন্ত্ৰী নৰেন্দ্ৰ মোডীয়ে মঙলবাৰে জ্যেষ্ঠ বিজেপি নেতা মুৰলী মনোহৰ যোশীক জন্মদিনৰ শুভেচ্ছা জ্ঞাপন কৰে ৷

প্ৰধানমন্ত্ৰী মোডীয়ে টুইটাৰৰ জৰিয়তে কয়, "মুৰলী মনোহৰ যোশীলৈ জন্মদিনৰ শুভেচ্ছা জ্ঞাপন কৰিলো ৷ তেওঁ দেশৰ জ্যেষ্ঠ আৰু সন্মানীয় নেতাসকলৰ অন্যতম ৷ গোটেই জীৱনজুৰি তেওঁ দেশৰ বিকাশৰ হকে কাম কৰিছে ৷"

তেওঁ লগতে কয়, "তেওঁ এজন মন্ত্ৰী আৰু সাংসদ হিচাপে বিশেষ অৱদান আগবঢ়াইছে ৷ তেওঁৰ দীৰ্ঘায়ু কামনা কৰিলো ৷"

প্ৰাক্তন কেন্দ্ৰীয় মন্ত্ৰী আৰু সাংসদ যোশীৰ 1934 চনত আজিৰ দিনটোতে নাইনিতালত জন্ম হৈছিল ৷

লগতে পঢ়ক :আজি কোচি-মাংগালুৰু প্ৰাকৃতিক গেছ পাইপলাইন মুকলি কৰিব প্ৰধানমন্ত্ৰী মোডীয়ে