Voice of Global South Summit 2023 : ভইচ অৱ গ্লোবেল চাউথ ছামিটত উদ্বোধনী ভাষণ প্ৰধানমন্ত্ৰীৰ

সন্মিলনৰ বিষয়বস্তু হৈছে 'কণ্ঠস্বৰৰ একতা আৰু উদ্দেশ্যৰ একতা'। প্ৰধানমন্ত্ৰী মোডীয়ে সন্মিলনত অংশগ্ৰহণ কৰে (PM Modi at Voice of Global South Summit)। সন্মিলনখনে বিশ্বব্যাপী দক্ষিণৰ দেশসমূহক একত্ৰিত কৰাৰ লগতে তেওঁলোকৰ মতামত প্ৰকাশ কৰিবলৈ এখন মঞ্চ প্ৰদান কৰাৰ কল্পনা কৰিছে ।

নেশ্যনেল ডেস্ক,১২ জানুৱাৰী :দুদিনীয়া কাৰ্যসূচীৰে আৰম্ভ হৈছে 'ভইচ অৱ গ্লোবেল চাউথ ছামিট' (Voice of Global South Summit 2023)। বৃহস্পতিবাৰে প্ৰধানমন্ত্ৰী নৰেন্দ্ৰ মোডীয়ে 'ভইচ অৱ গ্লোবেল চাউথ চামিট' সন্মিলনৰ উদ্বোধনী অধিৱেশনত ভাষণ প্ৰদান কৰে । 'ভইচ অফ গ্লোবেল চাউথ হিউমেন-চেণ্ট্ৰিকেল ডেভেলপমেণ্ট' শীৰ্ষক বিষয়ত ভাষণ প্ৰদান কৰে প্ৰধানমন্ত্ৰীগৰাকীয়ে (PM Modi addresses Voice of Global South Summit)।

১২ আৰু ১৩ জানুৱাৰীত ভাৰতত আয়োজিত ভাৰ্চুৱেল সন্মিলনত ১২০ খনতকৈও অধিক দেশে অংশগ্ৰহণ কৰিছে । উদ্বোধনী অধিৱেশনত ভাষণ প্ৰদান কৰি প্ৰধানমন্ত্ৰীগৰাকীয়ে কয় যে এই সন্মিলনত সকলোকে স্বাগতম জনাবলৈ পায় তেওঁ আনন্দিত । এই সন্মিলনত পৃথিৱীৰ বিভিন্ন প্ৰান্তৰ পৰা অংশগ্ৰহণ কৰাৰ বাবে তেওঁ ধন্যবাদো জ্ঞাপন কৰে । তেওঁ লগতে কয় যে ভাৰতে সদায় বিকাশৰ অভিজ্ঞতা বিশ্ব ব্যাপী দক্ষিণৰ ভাতৃসকলৰ সৈতে ভাগ বতৰা কৰি আহিছে ।

তেওঁ কয় যে ভাৰতে আন এটা কঠিন বছৰ এৰি আহিছে । যিয়ে যুদ্ধ, সংঘৰ্ষ, সন্ত্ৰাসবাদ আৰু ভূ-ৰাজনৈতিক উত্তেজনা, খাদ্য, সাৰ আৰু ইন্ধনৰ মূল্য বৃদ্ধিক প্ৰতিফলিত কৰে । তেওঁৰ মতে বেছিভাগ গোলকীয় প্ৰত্যাহ্বান দক্ষিণৰ দেশবোৰে দ্বাৰা সৃষ্টি নকৰে । তথাপিও সেইবোৰে দক্ষিণৰ দেশবোৰক অধিক প্ৰভাৱিত কৰে ।

প্ৰধানমন্ত্ৰীৰ মতে মানৱতাৰ তিনি-চতুৰ্থাংশ ভাৰতত বাস কৰে । ভাৰতে সদায় বিকাশৰ অভিজ্ঞতাবোৰ বিশ্ব দক্ষিণৰ সৈতে ভাগ বতৰা কৰি আহিছে । ভাৰতৰ উন্নয়নৰ অংশীদাৰীত্বই সকলো ভৌগোলিক আৰু বিভিন্ন অঞ্চল সামৰি লৈছে । যিহেতু ভাৰতে এই বছৰ জি-২০ৰ অধ্যক্ষতা কৰিছে (G20 summit in India)। সেয়ে ভাৰতৰ লক্ষ্য হৈছে বিশ্ব ব্যাপী দক্ষিণৰ বিভিন্ন বিষয় উত্থাপন কৰা ।

চৰকাৰী বিবৃতি অনুসৰি ভাৰতে অধ্যক্ষতা কৰা জি-২০ সন্মিলনৰ অংশ নোহোৱা দেশসমূহক এই ভইচ অৱ গ্লোবেল চাউথ ছামিটৰ জৰিয়তে জি-২০ৰ পৰা তেওঁলোকৰ মতামত আৰু প্ৰত্যাশা শ্বেয়াৰ কৰা এক বিশেষ আৰু শক্তিশালী সুযোগ প্ৰদান কৰিছে । প্ৰতিবেদন অনুসৰি, সন্মিলনখনত ১০ খন অধিৱেশন অনুষ্ঠিত হ'ব (10 Sessions at Voice of Global South summit)।

ইয়াৰে বৃহস্পতিবাৰে চাৰিখন আৰু শুকুৰবাৰে ৬ খন অধিৱেশন অনুষ্ঠিত হ'ব । ১০ ৰ পৰা ২০ খন দেশৰ নেতা আৰু মন্ত্ৰীসকলে প্ৰতিটো অধিৱেশনত উপস্থিত থাকিব বুলি আশা কৰা হৈছে । প্ৰধানমন্ত্ৰীয়ে উদ্বোধন কৰা পাছত ৰাজ্য বা চৰকাৰী পৰ্যায়ত উদ্বোধনী আৰু সামৰণি অধিৱেশন অনুষ্ঠিত হ'ব ।

ইয়াৰ উপৰিও, আঠখন মন্ত্ৰী পৰ্যায়ৰ অধিৱেশন অনুষ্ঠিত হ'ব (8 Ministerial Level Sessions)। সেইকেইখন হৈছে ক্ৰমে 'জনকেন্দ্ৰিক উন্নয়নৰ বাবে বিত্ত মন্ত্ৰীসকলৰ অধিৱেশন', পৰিৱেশ-অনুকূল জীৱনশৈলীৰ সৈতে উন্নয়নৰ ভাৰসাম্য ৰখাৰ ওপৰত পৰিৱেশ মন্ত্ৰীৰ অধিৱেশন, মানৱ সম্পদ উন্নয়ন আৰু ক্ষমতা নিৰ্মাণৰ ওপৰত শিক্ষা মন্ত্ৰীসকলৰ অধিৱেশন, শক্তি সুৰক্ষা আৰু উন্নয়ন-সমৃদ্ধি ৰ'ডমেপৰ ওপৰত শক্তি মন্ত্ৰীসকলৰ অধিৱেশন আদি ।

লগতে পঢ়ক :Extreme cold in India: অত্যাধিক শীতৰ বাবে দেশত ষ্ট্ৰোকৰ আশংকা বৃদ্ধি