নেশ্যনেল ডেস্ক,৩০ মাৰ্চ : ২০০৮ চনৰ মুম্বাই সন্ত্ৰাসবাদী আক্ৰমণৰ পৰিকল্পনা কৰা সকলে উচিত শাস্তি পাব লাগে (Israeli Parliament Speaker Ohana on Mumbai attack)। এই মন্তব্য ইজৰাইলৰ সংসদৰ অধ্যক্ষৰ । প্ৰথমটো ভাৰত ভ্ৰমণৰ পূৰ্বে এই গুৰুত্বপূৰ্ণ মন্তব্য় নেতাগৰাকীৰ । তেওঁৰ মতে সন্ত্ৰাসবাদৰ বিৰুদ্ধে যুঁজ দিয়াটো ভাৰত আৰু ইজৰাইলৰ প্ৰথম উদ্দেশ্য ।
উল্লেখ্য যে প্ৰধানমন্ত্ৰী বেঞ্জামিন নেতানিয়াহুৰ ঘনিষ্ঠ আমিৰ অ'হানাই যোৱা বছৰ ডিচেম্বৰত সংসদৰ অধ্যক্ষ হিচাপে কাৰ্যভাৰ গ্ৰহণ কৰিছিল । কাৰ্যভাৰ গ্ৰহণৰ পাছত তেওঁৰ প্ৰথম চৰকাৰী বিদেশ ভ্ৰমণ হিচাপে ৩১ মাৰ্চৰ পৰা ৪ দিনীয়া কাৰ্যসূচীৰে তেওঁ ভাৰতত উপস্থিত হ'ব (Israeli leader Ohana to visit India)। সন্ত্ৰাসবাদৰ ভাবুকি এক সাধাৰণ উদ্বেগ বুলি উল্লেখ কৰি শিন বেট (ইজৰাইলৰ আভ্যন্তৰীণ সুৰক্ষা সংস্থা)ৰ এগৰাকী প্ৰাক্তন বিষয়া অ'হানাই সংবাদমাধ্যমক কয় যে ইয়াৰ প্ৰতিৰোধৰ বাবে সকলো প্ৰগতিশীল ৰাষ্ট্ৰ একত্ৰিত হোৱাটো প্ৰয়োজন ।
অ'হানাৰ মতে ভাৰত আৰু ইজৰাইল উভয়েই সন্ত্ৰাসবাদৰ সমস্যাৰ সন্মুখীন হৈছে আৰু তাৰ বিৰুদ্ধে যুঁজ দি আছে (Ohana on threat of terrorism)। তেওঁৰ মতে ২০০৮ চনৰ মুম্বাই আক্ৰমণৰ কথা সকলোৰে মনত আছে । য'ত ২০৭ জনৰো অধিক লোকক হত্যা কৰা হৈছিল । তাৰ ভিতৰত ১৭৮ গৰাকীয়ে আছিল ভাৰতীয় । অ'হানাই উল্লেখ কৰা মতে হত্যাৰ বলি হোৱা বিদেশী নাগৰিকৰ ভিতৰত দুৰ্ভাগ্যবশতঃ ইজৰাইলী আৰু ইহুদীসকলো আছিল (2008 Mumbai attack)।
সংসদৰ অধ্যক্ষগৰাকীৰ মতে এয়া কেৱল ভাৰতৰ ওপৰতে আক্ৰমণ নাছিল । ই ভাৰত আৰু ইজৰাইলৰ অংশীদাৰী মূল্যবোধৰ ওপৰতো আক্ৰমণ আছিল । সন্ত্ৰাসবাদী সংগঠন লস্কৰ-ই-তৈবাৰ পৰা আৰম্ভ কৰি যিয়ে এই ঘটনাৰ পৰিকল্পনা কৰিছিল তেওঁ উচিত শাস্তি পাব লাগে বুলিও তেওঁ দাবী কৰে ।
মুম্বাইৰ চাবাদ হাউচৰ আক্ৰমণক লৈ ভাৰতৰ লগতে ইজৰাইলো চিন্তিত (Chabad house attack)। অ'হানাৰ মতে দুয়োখন দেশৰে কৌশলগত অংশীদাৰীত্ব, উদ্বেগ, বেদনা আৰু অপৰিসীম সম্ভাৱনাই ইণ্ডো-ইজৰাইলৰ সম্পৰ্ক শক্তিশালী কৰি ৰাখিছে । সংসদৰ অধ্যক্ষগৰাকীয়ে কয় যে যেতিয়া তেওঁ সংসদৰ অধ্যক্ষ হিচাপে প্ৰথম চৰকাৰী ভ্ৰমণৰ চিন্তা কৰিছিল তেতিয়া কেইবাটাও কাৰণত ভাৰত আটাইতকৈ আকৰ্ষণীয় বিকল্প আছিল ।