প্ৰতিষেধক বিতৰণৰ বাবে তেলেংগানাত হ'ব ড্ৰোণ ব্যৱহাৰৰ পৰীক্ষণ

দেশত আৰম্ভ তৃতীয় পৰ্যায়ৰ প্ৰতিষেধক প্ৰদান কাৰ্যসূচী । তাৰ পূৰ্বে তেলেংগানাই লাভ কৰিছে বিশেষ অনুমতি । ড্ৰোণৰ জৰিয়তে প্ৰতিষেধক বিতৰণৰ বাবে পৰীক্ষণৰ অনুমতি লাভ কৰিছে ৰাজ্যখনে । অসামৰিক বিমান পৰিবহণ মন্ত্ৰালয় আৰু অসামৰিক বিমান পৰিবহণ সঞ্চালকালয়ে তেলেংগানা চৰকাৰক ক'ভিড পৰিস্থিতিত ড্ৰোণ মোতায়েনৰ বাবে চৰ্ত সাপেক্ষ পৰীক্ষণৰ অনুমতি প্ৰদান কৰিছে ।

নেশ্যনেল ডেস্ক,৩০ এপ্ৰিল: অসামৰিক বিমান পৰিবহণ মন্ত্ৰালয় (এম.ও.চি.এ.) আৰু অসামৰিক বিমান পৰিবহণ সঞ্চালকালয়ে তেলেংগানা চৰকাৰক ক'ভিড পৰিস্থিতিত ড্ৰোণ মোতায়েনৰ বাবে চৰ্ত সাপেক্ষ পৰীক্ষণৰ অনুমতি প্ৰদান কৰিছে ।

ৰাজ্যখনত ভিজুৱেল লাইন অফ চাইট (ভিএলওএছ) পৰিসৰৰ ভিতৰত ক'ভিড-১৯ প্ৰতিষেধকৰ পৰীক্ষামূলক বিতৰণ কৰাৰ বাবে ড্ৰোণ ব্যৱহাৰৰ অনুমতি প্ৰদান কৰা হৈছে । অনুমতি এবছৰৰ বাবে বা পৰৱৰ্তী নিৰ্দেশলৈকে বৈধ থাকিব । এই অনুমতিবোৰ কেৱল তেতিয়াহে বৈধ হ'ব যদি সংশ্লিষ্ট সংস্থাবোৰৰ বাবে উল্লেখ কৰা সকলো চৰ্ত আৰু সীমাবদ্ধতা কঠোৰভাৱে পালন কৰা হয় ।

তেলেংগানাত হ'ব ড্ৰোণ ব্যৱহাৰৰ পৰীক্ষণ

পৰীক্ষণবোৰে জনসংখ্যা,আইচ'লেচনৰ পৰিমাণ, ভূগোল আদিৰ দৰে পৰিস্থিতি মূল্যাঙ্কন কৰাত সহায় কৰিব যাতে বিশেষকৈ ড্ৰোণ ডেলিভাৰীৰ প্ৰয়োজন হোৱা অঞ্চলবোৰ চিনাক্ত কৰিব পাৰি ।

ইফালে এই মাহৰ আৰম্ভণিতে আইআইটি কানপুৰৰ সহযোগত ড্ৰোণ ব্যৱহাৰ কৰি ক'ভিড-১৯ প্ৰতিষেধক প্ৰদানৰ সম্ভাৱ্যতা অধ্যয়ন কৰাৰ বাবে ভাৰতীয় চিকিৎসা গৱেষণা পৰিষদক একে ধৰণৰ অনুমতি প্ৰদান কৰা হৈছিল ।

এই অনুমতিৰ উদ্দেশ্য হৈছে দ্ৰুত প্ৰতিষেধক প্ৰদান আৰু উন্নত স্বাস্থ্যসেৱা :

• নাগৰিকৰ দুৱাৰমুখত প্ৰাথমিক স্বাস্থ্যসেৱা প্ৰদান নিশ্চিত কৰা ।
• এৰিয়েল ডেলিভাৰীৰ জৰিয়তে ক'ভিড সংক্ৰমিত এলেকাত মানুহৰ ভিৰ সীমিত কৰা ।
• বিশেষকৈ দূৰৱৰ্তী এলেকাত স্বাস্থ্য সেৱা উপলব্ধ কৰা ।
• দীৰ্ঘ-দূৰত্বৰ ড্ৰোণৰ জৰিয়তে চিকিৎসা খৰচ কম কৰা ।
• চিকিৎসা সামগ্ৰীৰ যোগান ব্যৱস্থা উন্নত কৰা ।

লগতে পঢ়ক:সমকামী সম্পৰ্ক গোচৰৰ ৰায়দানৰ পূৰ্বে মনোবিজ্ঞানীৰ কাষ চাপিল ন্যায়াধীশ