Civic body election in tripura : বিপ্লৱ দেৱে ক’লে শেহতীয়া নিৰ্বাচন গণতন্ত্ৰৰ উৎকৃষ্ট নিদৰ্শন

ত্ৰিপুৰাৰ শেহতীয়া পৌৰ নিগমৰ নিৰ্বাচনৰ ভোটদানৰ হাৰে ৰাজ্য চৰকাৰৰ ওপৰত জনসাধাৰণৰ আস্থা থকাৰ কথাকে বুজাই বুলি মন্তব্য মুখ্যমন্ত্ৰী বিপ্লব কুমাৰ দেৱৰ (Tripura CM Biplab Deb on civic body election) ৷ জানো আহক কি কি মন্তব্য কৰিলে বিপ্লৱ দেৱে ৷

আগৰতলা, ২৬ নৱেম্বৰ : ত্ৰিপুৰাৰ মুখ্যমন্ত্ৰী বিপ্লব কুমাৰ দেৱে শুকুৰবাৰে কয় যে, শেহতীয়াকৈ অনুষ্ঠিত পৌৰ নিগমৰ নিৰ্বাচনত ৰাজ্যখনৰ জনসাধাৰণে উৎসৱৰ দৰে অংশ লৈছে(Biplab Deb says people of Tripura voted in a festive mode) । এই বেলিৰ নিৰ্বাচনত মুঠ ৮১.৫৪ শতাংশ ভোট প্ৰদান কৰে ৰাজ্যখনৰ জন সাধাৰণে । মুখ্যমন্ত্ৰী গৰাকীয়ে কয় যে, ভোটদানৰ হাৰে প্ৰমাণ কৰে যে ৰাজ্য চৰকাৰৰ ওপৰত জনসাধাৰণৰ সম্পূৰ্ণ আস্থা আছে ।

এই নিৰ্বাচনে ৰাজ্যখনৰ গণতান্ত্ৰিক ব্যৱস্থা শক্তিশালী কৰাৰ বাবে ৰাজ্য চৰকাৰে কৰা কামৰ এক উৎকৃষ্ট উদাহৰণ দেখুৱাইছে বুলিও কয় মুখ্যমন্ত্ৰী গৰাকীয়ে(Biplab Deb Calls recent election great example of democracy) । শুকুৰবাৰে সমগ্ৰ দেশৰ লগতে ত্ৰিপুৰাতো সংবিধান দিৱস পালন কৰা হয় (constitution day observed in Tripura) ৷ এই অনুষ্ঠানতে উপস্থিত থাকি মুখ্যমন্ত্ৰী বিপ্লৱ দেৱে শেহতীয়া পৌৰ নিগম সন্দৰ্ভত এই মন্তব্য কৰে ৷

তেওঁ কয় যে দেশৰ প্ৰধানমন্ত্ৰী গৰাকীৰ কামত ভীমৰাও আম্বেদকাৰে দেখুওৱা পথ স্পষ্টকৈ পৰিলক্ষিত হয় । আম্বেদকাৰে দেখুওৱা সাংবিধানিক পথ অনুসৰণ কৰিয়েই জনসাধাৰণৰ সৈতে এক শক্তিশালী আৰু স্বাৱলম্বী ত্ৰিপুৰা গঢ়ি তোলাটো তেওঁৰ প্ৰতিজ্ঞা হ'ব বুলিও মুখ্যমন্ত্ৰীয়ে বিপ্লৱ দেৱে মন্তব্য প্ৰকাশ কৰে ।

লগতে পঢ়ক :Jayanta Malla Barua on Caa : অসমত বন্ধ হ’ল চান্দাৰ দোকান