নেশ্যনেল ডেস্ক, 25 জানুৱাৰী: আজি মুক্তি লাভ কৰিলে বহু বিতৰ্কিত ছবি পাঠানে ৷ মুক্তিৰ 6 ঘণ্টাৰ ভিতৰতেই বক্স অফিচত খলকনি লগাইছে ছবিখনে (Pathaan Day 1 Collection on Box Office) ৷ ছবিখনৰ টীজাৰ আৰু বেচৰম ৰং শীৰ্ষক গীতটিৰ মুক্তিৰ পিছতেই দেশজুৰি বিতৰ্কৰ সৃষ্টি কৰিছিল পাঠানে ৷ শ্বাহৰুখ খান, দীপিকা পাডুকন আৰু জন আব্ৰাহাম অভিনীত একচন-পেকড ছবি 'পাঠান'৷ ছবিখন মুক্তিৰ পিছতে কেৱল দেশতেই নহয় বিশ্বজুৰি খলকনিৰ সৃষ্টি কৰিছে ৷
ছবিখন মুক্তিৰ পিছতে অনুৰাগী আৰু বলীউডৰ তাৰকাসকলে যথেষ্ট সমাদৰ লাভ কৰিছে ৷ অনুৰাগীৰ লগতে তাৰকাসকলেও ছবিখনক ব্লকবাষ্টাৰ বুলি অভিহিত কৰিছে। সম্প্ৰতি মুক্তিৰ 6 ঘণ্টাৰ ভিতৰতে বক্স অফিচত ২০ কোটিতকৈও অধিক টকা উপাৰ্জন কৰিছে পাঠানে (Pathaan earned over 20 crores ) ৷
তৰণ আদৰ্শই পাঠানৰ 6 ঘণ্টাৰ উপাৰ্জন সন্দৰ্ভত এটা টুইট প্ৰকাশ কৰি উল্লেখ কৰে যে পাঠান ছবিখনে আবেলি 3 বজালৈকে ভাৰতীয় বক্স অফিচত 20.35 কোটি টকা উপাৰ্জন কৰিছে। ইয়াৰ ভিতৰত পাঠানে পিভিআৰ (9.40 কোটি), আইএনঅ'এক্স (7.05 কোটি) আৰু চিনেপলিছ (3.90 কোটি)ত সৰ্বাধিক মুনাফা অৰ্জন কৰিছে। পাঠানৰ এই উপাৰ্জন অভূতপূৰ্ব ৷ ইয়াৰে সমান্তৰালকে হৃত্বিক ৰোশন আৰু টাইগাৰ শ্ৰফ অভিনীত ছবি 'ৱাৰ'য়ে ১৯.৬৭ কোটি টকা উপাৰ্জন কৰিছে বুলি তৰণে জানিবলৈ দিয়ে (Pathaan earned over 20 crores in six hours) ৷