নেশ্যনেল ডেস্ক,২৮ এপ্ৰিল: কৰ'ণাৰ দ্বিতীয় ঢৌৱে ভাৰতক যথেষ্ট পৰিমাণে প্ৰভাৱান্বিত কৰিছে । ইয়াৰ সংক্ৰমণ ভয়ানকভাৱে বৃদ্ধি পোৱাৰ লগতে সম্প্ৰতি বিভিন্ন সমস্যাৰ সন্মুখীন হৈছে ভাৰত । বিশেষকৈ অক্সিজেনৰ নাটনিয়ে বিশ্বজুৰি চৰ্চাৰ কেন্দ্ৰ বিন্দু হৈ পৰিছে । ইতিমধ্যে ভাৰতীয় বায়ু সেনাৰ বিমানযোগে থাইলেণ্ডৰ পৰা অনা অক্সিজেন ভৰ্তি কণ্টেইনাৰবোৰ অনা হয় । অক্সিজেন পৰিবহণৰ বাবে থাইলেণ্ডৰ পৰা ভাৰতলৈ লৈ অনা হয় ।
আনহাতে, মঙলবাৰে ছিংগাপুৰ আৰু ডুবাইৰ পৰা কেইখনমান খালী টেংকাৰ বিমানেৰে অনা হয় বুলি কেন্দ্ৰীয় গৃহ মন্ত্ৰালয়ে জানিবলৈ দিয়ে । আইএএফ চি ১৭ পৰিবহন বিমানখনে ছিংগাপুৰৰ পৰা খালী অক্সিজেন পাত্ৰ বিমানেৰে উৰা মাৰিছে । ইয়াৰ ফলত দেশত অক্সিজেনৰ নাটনি হ্ৰাস হ'ব বুলি কয় গৃহ মন্ত্ৰালয়ে ।
শনিবাৰে ছিংগাপুৰৰ পৰা খালী অক্সিজেনৰ প্ৰথমটো পাত্ৰ বিমানেৰে অনা হৈছিল । সোমবাৰে ডুবাইৰ পৰা দ্বিতীয়টো পাত্ৰ অনা হৈছিল । অক্সিজেনৰ পাত্ৰবোৰ কঢ়িয়াই অনা তিনিওখন বিমান পশ্চিমবংগত অৱতৰণ কৰিছিল । যোৱা ২৩ এপ্ৰিলৰ পৰা গৃহ মন্ত্ৰালয়ে খালী অক্সিজেন টেংকাৰেৰে অক্সিজেন পৰিবহণ কৰাৰ প্ৰচেষ্টা চলাইছে ।