জম্মু কাশ্মীৰত গ্ৰেনেড আক্ৰমণত নিহত আৰক্ষী জোৱান

স্বাধীনতা দিৱসৰ প্ৰাকক্ষণত জম্মু-কাশ্মীৰত নিৰাপত্তা বৃদ্ধি কৰা হৈছে ৷ ড্ৰোন, স্নাইপাৰ আৰু সাধাৰণ পোছাকত আৰক্ষীয়ে ৰাজ্যখনত বিভিন্ন স্থানত কঠোৰ দৃষ্টি ৰাখিছে (Security system tighten in JK) ৷ ইয়াৰ মাজতে শনিবাৰে নিশা কুলগামৰ কাইমোহত সংঘটিত হয় গ্ৰেনেড আক্ৰমণ ৷ এই আক্ৰমণত মৃত্যু হয় এজন আৰক্ষী জোৱানৰ (Police personnel killed in a grenade attack) ৷

নিউজ ডেস্ক, 14 আগষ্ট: জম্মু-কাশ্মীৰৰ কুলগাম জিলাত শনিবাৰে নিশা সন্ত্ৰাসবাদীৰ গ্ৰেনেড আক্ৰমণত এজন আৰক্ষী জোৱান নিহত হয় (Grenade attack in Jammu Kashmir) ৷ নিহত জোৱানজন পুঞ্চৰ মেন্ধাৰৰ তাহিৰ খান বুলি জানিব পৰা হৈছে ৷ কুলগামৰ কাইমোহত হোৱা গ্ৰেনেড আক্ৰমণত আহত হৈছিল আৰক্ষী জোৱানজন (Police personnel killed in a grenade attack) ।

কাশ্মীৰ আৰক্ষীয়ে জনোৱা অনুসৰি, তেওঁক চিকিৎসাৰ বাবে ততাতৈয়াকৈ অনন্তনাগৰ চৰকাৰী চিকিৎসা মহাবিদ্যালয় হাস্পতাললৈ যোৱা হয়(Government Medical College hospital in Anantnag) আৰু চিকিৎসালয়তেই তেওঁৰ হৈ মৃত্যু হয় । উল্লেখ্য যে, জম্মু কাশ্মীৰৰ ৰাজৌৰী জিলাৰ এটা সেনা শিবিৰত বৃহস্পতিবাৰৰ পুৱা সন্ত্ৰাসবাদীয়ে আত্মঘাতী আক্ৰমণ চলায় ৷ এই ঘটনাত চাৰিজন সেনা জোৱান নিহত হয় ।

আনহাতে এই আক্ৰমণৰ সময়ত নিৰাপত্তা বাহিনীৰ হাতত দুটা সন্ত্ৰাসবাদীও নিহত হয় । কাশ্মীৰ আৰক্ষীয়ে উল্লেখ কৰা অনুসৰি প্ৰায় তিনি বছৰৰ পিছত, জম্মু আৰু কাশ্মীৰত এনে ধৰণৰ আক্ৰমণ সংঘটিত হৈছে । আৰক্ষীয়ে জনোৱা মতে, সন্ত্ৰাসবাদী দুজন পাকিস্তানী সন্ত্ৰাসবাদী সংগঠন জৈছ-ই-মহম্মদৰ (Pakistan-based Jaish-e-Mohammed) সৈতে জড়িত বুলি ধাৰণা কৰা হৈছে ।

লগতে পঢ়ক:আলফা স্বাধীনৰ সৈতে সম্পৰ্ক ৰখাৰ সন্দেহত ডিমৌত এজনক আটক