তিনিচুকীয়া, 14 নবেম্বৰ :অৰুণাচল প্ৰদেশৰ দেউমালিৰ কুটুমত ভাৰতীয় সেনাৰ ব্যাপক অভিযান । ১৮ গাড়োৱাল সেনাৰ অভিযানত NSCN(IM) এজন সদস্য নিহত হোৱাৰ লগতে এজন আহত হৈছে । যোৱা ৮ নৱেম্বৰৰ পৰা অসমৰ চুবুৰীয়া ৰাজ্য অৰুণাচল প্ৰদেশৰ টিৰাপ জিলাৰ দেউমালিৰ কুটুম অঞ্চলত NSCN (IM)ৰ বিৰুদ্ধে ভাৰতীয় সেনাৰ ডিগবৈস্থিত ১৮ নং গাৰোৱাল ৰেজিমেণ্টৰ নেতৃত্বত অব্যাহত আছে ব্যাপক অভিযান ৷
এই অভিযানত NSCN আৰু সেনাৰ মাজত প্ৰচণ্ড গুলীয়া গুলী সৃষ্টি হয় । ইয়াৰ ফলত এজন NSCN (IM) ৰ সদস্য নিহত হোৱাৰ লগতে এজন আহতও হয় । ইয়াৰোপৰি কেইবাটাও NSCN IM ৰ হাইদত (অস্থায়ী শিবিৰ ) সেনাই উৎখাত কৰে ৷ এই অভিযানত এটা Ak 56 ৰাইফলৰ লগতে বৃহৎ পৰিমাণৰ গুলী আৰু অস্ত্ৰ সস্ত্ৰ উদ্ধাৰ কৰিবলৈ সক্ষম হয় অভিযানকাৰী সেনা বাহিনীয়ে ৷