Rajouri encounter : জন্মু-কাশ্মীৰৰ ৰাজৌৰীত গুলীচালনা, নিহত এটা সন্ত্ৰাসবাদী

পুনৰ জন্মু-কাশ্মীৰত গুলীচালনাৰ ঘটনা ৷ শুকুৰবাৰে পুৱাৰ ভাগত জন্মু-কাশ্মীৰৰ ৰাজৌৰী জিলাৰ ডাছাল মেহাৰী গাঁৱত সেনা আৰু সন্ত্ৰাসবাদী মাজত সংঘৰ্ষত নিহত হয় এটা সন্ত্ৰাসবাদী (One militant killed in an Rajouri encounter)৷

নেশ্যনেল ডেস্ক, 2 জুন : পুনৰ জন্মু-কাশ্মীৰত অঘটন ৷ শুকুৰবাৰে পুৱাৰ ভাগত জন্মু-কাশ্মীৰৰ ৰাজৌৰী জিলাৰ ডাছাল মেহাৰী গাঁৱত সেনা আৰু সন্ত্ৰাসবাদী মাজত সংঘৰ্ষ হয় ৷ এই সংঘৰ্ষত নিহত হয় এটা সন্ত্ৰাসবাদী (One militant killed in Rajouri encounter)৷ সেনা তৰফৰ পৰা জানিবলৈ দিয়া অনুসৰি, সেনা আৰু আৰক্ষীয়ে বৃহস্পতিবাৰে নিশাৰ পৰা যৌথ অভিযান আৰম্ভ কৰিছিল ৷ নিশাৰ ভাগত দুই পক্ষক ধাৰাষাৰ গুলীবৰ্ষণ হৈছিল ৷ অৱশ্যে পুৱাৰ ভাগলৈ বন্ধ হৈছিল এই গুলীয়াগুলী ৷

পুৱাৰ ভাগলৈ এই গুলীয়াগুলী বন্ধ হৈছিল যদিও অভিযান অব্যাহত ৰাখিছে সেনা-আৰক্ষীয়ে ৷ ইফালে সন্দেহ কৰাৰ অনুসৰি সংঘৰ্ষৰ সময়ত দুজনৰো অধিক সন্ত্ৰাসবাদীয়ে বাহৰ পাতি আছিল অঞ্চলটোত ৷ ইয়াৰ পূৰ্বে বৃহস্পতিবাৰ আৰু শুকুৰবাৰে পুৱাৰ ভাগত ৰাজৌৰীৰ গুজৰানৰ অঞ্চলৰ ঘন জংঘল প্ৰত্যক্ষ কৰিছিল কিছু সন্দেহজনক লোকক ৷

জন্মু-কাশ্মীৰৰ ADGP মুখেছ সিঙে এই সন্দৰ্ভত কয় যে এই সংঘৰ্ষত এটা সন্ত্ৰাসবাদী নিহত হয় ৷ যৌথ অভিযানৰ সময়ত প্ৰথমে সেনালৈ লক্ষ্য কৰি গুলী চালনা কৰে সন্ত্ৰাসবাদীয়ে আৰু সেনাই যোগ্য প্ৰত্যুত্তৰ দিয়ে সন্ত্ৰাবাদীক (Rajouri encounter) ৷

লগতে পঢ়ক :Shahbad dairy murder case update : ৰিথালাৰ পৰা উদ্ধাৰ ডেইৰী হত্যাকাণ্ডত ব্যৱহৃত দাখন

ইফালে বৃহস্পতিবাৰে বাৰামুল্লাৰ ফৰেছতিহাৰ খৰেই গাঁৱত সন্ত্ৰবাদীৰ চালচলনৰ গোপন তথ্য লাভ কৰিছিল আৰক্ষীয়ে ৷ সেই তথ্যৰ ভিত্তিত আৰক্ষীয়ে সমগ্ৰ অঞ্চলটো কটকটীয়ে নিৰাপত্তাৰ ব্যৱস্থা গ্ৰহণ কৰি তালাচী চলায় ৷ তালাচীৰ সময়ত বৃহৎ পৰিমাণৰ বিস্ফোৰক সামগ্ৰী আৰু মাৰাণাস্ত্ৰসহ দুজন লস্কৰ-ই-তৈয়বাৰ (LeT) সদ্যক গ্ৰেপ্তাৰ কৰিছিল আৰক্ষীয়ে ৷

গ্ৰেপ্তাৰ কৰা দুই লস্কৰ-ই-তৈয়বাৰ (LeT) সদস্যকেইটা আছিল শ্বুহাইল গোলজাৰ, ৱাছিম আহম্মেদ পাতা ৷ দুই লস্কৰ-ই-তৈয়বাৰ সদ্যসৰ পৰা দুটা চীন নিৰ্মিত পিষ্টল, দুটা মেগজিন, 15 ৰাউণ্ড সজীৱ গুলী উদ্ধাৰ কৰে ৷ দুই সন্ত্ৰাসবাদীৰ বিৰুদ্ধে অবৈধ মাৰাণাস্ত্ৰ সৰবৰাহৰ গোচৰ তৰি আৰম্ভ কৰিছে তদন্ত ৷

লগতে পঢ়ক :Telangana Formation Day : ৰাজ্যপাল সৌন্দৰৰাজনে নাপালে নিমন্ত্ৰণী পত্ৰ !