আগৰতলা, 22 মাৰ্চ : ত্ৰিপুৰা আৰক্ষী দেওবাৰে সন্ধিয়া বৃহৎ পৰিমাণৰ গাঞ্জাসহ উত্তৰ ত্ৰিপুৰা জিলাৰ ধৰ্মনগৰৰ পৰা আটক কৰে এজন লোকক (One arrested with cannabis in Tripura) ৷ ধৰ্মনগৰৰ মহকুমা আৰক্ষী বিষয়া মিলন দত্তই জনোৱা অনুসৰি ধৰ্মনগৰৰ বাগবাচা আৰক্ষীচকীৰ ভাৰপ্ৰাপ্ত বিষয়া শ্যামাপ্ৰসাদ দাসে গোপন সূত্ৰৰ পৰা লাভ কৰে গাঞ্জা সৰবৰাহৰ খবৰ ৷ সূত্ৰটোৱে জনাইছিল যে আগৰতলা অভিমুখী এখন মালবাহী বাহনত গোপনে কঢ়িয়াই অনা হৈছে লক্ষাধিক টকাৰ গাঞ্জা (Cannabis smuggling in Tripura)৷
আৰক্ষী সূত্ৰই জনোৱা অনুসৰি, গাঞ্জাখিনি আগৰতলাৰ পৰা অসমৰ মাজেৰে বিভিন্ন স্থানলৈ সৰবৰাহ কৰাৰ পৰিকল্পনা কৰিছিল এটা চক্ৰই ৷ কিন্তু সূত্ৰৰ পৰা খবৰ লাভ কৰাৰ লগে লগে আৰক্ষী বিষয়া শ্যামাপ্ৰসাদ দাসসহ আৰক্ষীৰ এটা বৃহৎ দলে বাগবাচা আৰক্ষী চকীৰ সমীপত নাকা তালাচী বহুৱাই ৷ নিৰ্দিষ্ট সময়ত বাহনখন সেই স্থানত উপস্থিত হোৱাৰ লগে লগে গাঞ্জাসহ ট্ৰাকখন জব্দ কৰাৰ লগতে চালকক আটক কৰে আৰক্ষীয়ে ৷