নেশ্যনেল ডেস্ক,১৭ এপ্ৰিল: দেশত বৃদ্ধি হোৱা কৰ'ণা সংক্ৰমণৰ ঘটনাই এতিয়া চিন্তাত পেলাইছে সকলোকে । অৱশ্যে দেশজুৰি কৰ'ণা প্ৰতিষেধক প্ৰদানৰ অভিযান অব্যাহত আছে যদিও সকলোৱে লাভ কৰা নাই প্ৰতিষেধক । বহু স্থানত প্ৰতিষেধক নাটনিৰো ঘটনা পোহৰলৈ আহিছে ।
বজাৰত কৰ'ণা প্ৰতিষেধক বিক্ৰীৰ অনুমতি বিচাৰি প্ৰধানমন্ত্ৰীলৈ চিঠি ওড়িশাৰ মুখ্যমন্ত্ৰীৰ ইয়াৰ মাজতে ওড়িশাৰ মুখ্যমন্ত্ৰী নবীন পাটনায়কৰ এখন চিঠিয়ে বিশেষ চৰ্চা লাভ কৰিছে । প্ৰধানমন্ত্ৰী নৰেন্দ্ৰ মোডীলৈ এই চিঠিখন প্ৰেৰণ কৰিছে ওড়িশাৰ মুখ্যমন্ত্ৰী গৰাকীয়ে । চিঠিখনৰ জৰিয়তে প্ৰতিষেধক মুকলি বজাৰত উপলব্ধ কৰাৰ বাবে প্ৰধানমন্ত্ৰীক অনুৰোধ জনাইছে নবীন পাটনায়কে ।
বজাৰত কৰ'ণা প্ৰতিষেধক বিক্ৰীৰ অনুমতি বিচাৰি প্ৰধানমন্ত্ৰীলৈ চিঠি ওড়িশাৰ মুখ্যমন্ত্ৰীৰ চৰকাৰীভাৱে প্ৰতিষেধক প্ৰদানৰ উপৰিও মুকলি বজাৰত উপলব্ধ হ'লে যিসকলে ক্ৰয় কৰিবলৈ সামৰ্থ হ'ব তেওঁলোকে প্ৰতিষেধক লাভ কৰিব পাৰিব বুলি উল্লেখ কৰে মুখ্যমন্ত্ৰী গৰাকীয়ে । মুকলি বজাৰত প্ৰতিষেধকৰ বিক্ৰী উপলব্ধ হ’লে চৰকাৰে সমাজৰ দৰিদ্ৰ শ্ৰেণীৰ প্ৰতি বিশেষ গুৰুত্ব প্ৰদান কৰিবলৈ সক্ষম হ’ব বুলিও চিঠিখনত উল্লেখ কৰে মুখ্যমন্ত্ৰী গৰাকীয়ে ।
সমান্তৰালকৈ বিশ্বাসযোগ্য সংস্থা অথবা চৰকাৰৰ দ্বাৰা বিশ্বজুৰি অনুমোদিত প্ৰতিষেধক যোগানৰ বাবেও প্ৰধানমন্ত্ৰীক আহ্বান জনাই ওড়িশাৰ মুখ্যমন্ত্ৰী নবীন পাটনায়কে ।
লগতে পঢ়ক:লালকিল্লাৰ হিংসাত্নক ঘটনাৰে জড়িত অভিনেতা দীপ সিদ্ধুক জামিন
