দেওবাৰে ধ্বংস কৰা হ’ব দুটাকৈ ছুপাৰটেক টুইন টাৱাৰ

দেশত প্ৰথমবাৰৰ বাবে নতুন প্ৰযুক্তিৰে ধ্বংস কৰা হ'ব নয়ডাৰ চেক্টৰ-৯৩ ত অৱস্থিত দুটাকৈ ছুপাৰটেক টুইন টাৱাৰ(Noida Supertech Twin Towers) । টুইন টাৱাৰ দুটা নিৰ্মাণ কৰা সময়ত কঠোৰভাৱে উলংঘা কৰা হৈছিল নিৰ্মাণৰ চৰ্তসমূহ । উচ্চতম ন্যায়ালয়ে এই টুইন টাৱাৰ দুটাৰ ধ্বংসৰ বাবে অনুমোদন জনাইছিল ।

নিউজ ডেস্ক, 27 আগষ্ট: নয়ডাৰ চেক্টৰ-৯৩ ত অৱস্থিত দুটাকৈ ছুপাৰটেক টুইন টাৱাৰ দেওবাৰে ভাঙি পেলোৱা হ’ব(twin towers of Noida) । দেশত প্ৰথমবাৰৰ বাবে, নতুন প্ৰযুক্তিৰে ইমান ওখ অট্টালিকা দুটা ভাঙি পেলোৱা হ'ব । আকাশচুম্বী অট্টালিকা দুটা ধ্বংস কৰিবলৈ ইতিমধ্যে প্ৰস্তুতি সম্পূৰ্ণ কৰা হৈছে । ইয়াৰ গাঁথনিত প্ৰায় ৩,৫০০ কিলোগ্ৰামতকৈও অধিক বিস্ফোৰক ভৰাই দিয়া হৈছে আৰু ১০০ মিটাৰ দূৰত্বৰ পৰা বিস্ফোৰণটো পৰিচালনা কৰা হ’ব(Demolishing twin towers of Noida on August 28) ।

দেওবাৰে ধ্বংস কৰা হ’ব দুটাকৈ ছুপাৰটেক টুইন টাৱাৰ

দুৰ্নীতিৰ ভেটিত নিৰ্মিত চুপাৰটেক এমাৰ্ল্ড হাউচিং চ'চাইটিৰ এই দুটা টাৱাৰ এপেক্স আৰু চিয়ানৰ উচ্চতা প্ৰায় 101-94 মিটাৰ । ইয়াক ধ্বংস কৰাৰ দায়িত্ব এডিফিচ ইঞ্জিনিয়াৰিং কোম্পানীক অপৰ্ণ কৰা হৈছে । কেন্দ্ৰীয় ভৱন গৱেষণা প্ৰতিষ্ঠানে (CBRI)য়ে ইয়াৰ বাবে এনঅ'চি প্ৰদান কৰিছিল আৰু ইয়াৰ প্ৰতিবেদন দাখিলৰ পিছত উচ্চতম ন্যায়ালয়ে এই টুইন টাৱাৰ দুটাৰ ধ্বংসৰ বাবে অনুমোদন জনাইছিল । উচ্চতম ন্যায়ালয়ে নিজৰ অনুসন্ধানত পাইছিল যে ছুপাৰটেকে এই টাৱাৰবোৰ নিৰ্মাণ কৰোঁতে নিৰ্মাণৰ চৰ্তসমূহৰ কঠোৰভাৱে উলংঘা কৰিছিল ।

দেওবাৰে ধ্বংস কৰা হ’ব দুটাকৈ ছুপাৰটেক টুইন টাৱাৰ

এই বিশাল অট্টালিকা দুটাৰ ওচৰত চুপাৰ টেক এমাৰ্ল্ডৰ দুটা আৱাসিক টাৱাৰ চুপাৰ টেক পান্না আৰু এটিএছ ভিলেজ চ'চাইটি আছে, যাৰ টুইন টাৱাৰৰ পৰা দূৰত্ব প্ৰায় ১০ মিটাৰ । নয়দাৰ ৯৩এ চেক্টৰৰ চুপাৰ এমাৰ্ল্ড চছাইটিৰ আৰু এটিএছ ভিলেজৰ ৫,০০০ৰো অধিক চুবুৰীয়া বাসিন্দাসকলে ২৮ আগষ্টৰ পুৱা ৭ বাজি ৩০ মিনিটৰ ভিতৰত চৌহদটো খালী কৰিব লাগিব ৷ এমাৰ্ল্ড ক'ৰ্ট গ্ৰুপ হাউচিং আৰু এটিএছ ভিলেজৰ নিৰাপত্তা কৰ্মচাৰীসকলে এই চৌহদবোৰ চোৱাচিতা কৰিবলৈ দুপৰীয়া 12 বজালৈকে থাকিব পাৰিব ৷

দেওবাৰে ধ্বংস কৰা হ’ব দুটাকৈ ছুপাৰটেক টুইন টাৱাৰ

অট্টালিকা দুটাত বাস কৰা লোকসকলে তেওঁলোকৰ বাহনবোৰো চৌহদৰ পৰা আঁতৰাব লাগিব । প্ৰজেক্টটোৰ বিষয়াসকলে তেওঁলোকৰ সকলো সুৰক্ষা বিচাৰ কৰি অনুমতি দিয়াৰ পাছতহে নিজৰ এপাৰ্টমেণ্টলৈ ঘূৰি আহিব পাৰিব । তদুপৰি নয়ডা-গ্ৰেটাৰ নয়ডা এক্সপ্ৰেছৱেত যান-বাহন চলাচল বিয়লি ২.১৫ বজাৰ পৰা আবেলি ২.৪৫ বজালৈ সম্পূৰ্ণৰূপে বন্ধ থাকিব । জৰুৰীকালীন সেৱাৰ বাবে প্ৰয়োজনীয় অগ্নিনিৰ্বাপক গাড়ী, এম্বুলেন্স আদি টুইন টাৱাৰৰ সন্মুখত অৱস্থিত উদ্যানখনৰ পিছফালে নিৰ্মিত পথত ৰখাই থোৱা হ'ব ।

এই টুইন টাৱাৰৰ নিৰ্মাণ কাৰ্য ২০০৯ চনত আৰম্ভ হৈছিল আৰু দুটা টাৱাৰত মুঠ ৯৫০তকৈও অধিক ফ্লেট নিৰ্মাণ কৰিব লগা আছিল । অৱশ্যে, অৰ্ধনিৰ্মিত এই টুইন টাৱাৰৰ ফ্লেটসমূহ বহুলোকে ক্ৰয় কৰি অভিযোগ কৰিছিল যে, টুইন টাৱাৰৰ নিৰ্ধাৰিত পৰিকল্পনা পাছলৈ সলনি কৰা হৈছিল ৷ ২০১২ চনত তেওঁলোকে এই সন্দৰ্ভত এলাহাবাদ উচ্চ ন্যায়ালয়ৰো কাষ চাপিছিল । দেওবাৰে নয়দাৰ চেক্টৰ-৯৩ ত অৱস্থিত ছুপাৰটেক টুইন টাৱাৰ দুটা ধ্বংস কৰাৰ লাইভ ভিডিঅ’ ETV Bharat Assam ত পোনপটীয়াকৈ দেখুওৱা হ’ব(Entire process of demolishing twin towers ) ।

লগতে পঢ়ক :সোণালী ফোগাটৰ মৃত্যুৰ পূৰ্বৰ আন এটা চাঞ্চল্যকৰ চিচিটিভি ফুটেজ