বিধানসভাত খং উঠিল নীতিশ কুমাৰৰ

বিধানসভাৰ মজিয়াত হঠাৎ খং উঠিল বিহাৰৰ মুখ্যমন্ত্ৰী নীতিশ কুমাৰৰ (Nitish Kumar loses cool in Bihar Assembly)৷ অধ্যক্ষৰ ওপৰত খং উঠি নীতিশ কুমাৰে দিলে সংবিধানৰ জ্ঞান ৷

নিউজ ডেস্ক, 14 মাৰ্চ :বিহাৰ বিধানসভাৰ মজিয়াত সোমবাৰে অধ্যক্ষ বিজয় কুমাৰ সিন্হাৰ ওপৰত খঙত অগ্নিশৰ্মা হৈ পৰিল মুখ্যমন্ত্ৰী নীতিশ কুমাৰ (Nitish Kumar loses cool in Bihar Assembly)৷ অধ্যক্ষগৰাকীক নীতিশ কুমাৰে সংবিধান অনুসৰি সদন পৰিচালনা কৰিবলৈও আহ্বান জনায় ৷ এটা বিষয় সন্দৰ্ভত নিজৰ মতামত ব্যাখ্যা কৰিছিল অধ্যক্ষগৰাকীয়ে ৷ কিন্তু বিহাৰৰ মুখ্যমন্ত্ৰী নীতিশ কুমাৰে নিজৰ চকীখন লাথ মাৰি কৈ উঠে, ‘‘আপুনি এনেদৰে সদন চলাব নেকি ? আমি এনে হ’বলৈ অনুমতি নিদিওঁ ৷ সদনত এইদৰে আলোচনা হ’ব প্ৰক্ৰিয়া নচলে’’ ৷

ইয়াৰ পাচতে নিজৰ মত স্পষ্ট কৰাৰ বাবে চিঞৰি উঠে অধ্যক্ষ সিন্হাই ৷ তেওঁ কয় যে, বিধানসভাক অপমান কৰিবলৈ তেওঁ নিদিয়ে ৷ বিজয় কুমাৰ সিনহাই কয় যে, ‘‘ আপোনালোকে মোক সংবিধানৰ নিয়ম অনুসৰি বিধানসভাৰ অধ্যক্ষ পাতিছে ৷ কিন্তু এই আসনখনত বহি থকাৰ বাহিৰে মই মোৰ অঞ্চলৰ বিষয় এটাতো প্ৰশ্ন উত্থাপন কৰিব নোৱাৰো ৷ মই আনকি এজন পৰিদৰ্শক, ভাৰপ্ৰাপ্ত বিষয়া বা এজন উপ আৰক্ষী অধীক্ষকৰ কথাও উপস্থাপন কৰিব নোৱাৰোঁ’’ ৷

ইয়াৰ পূৰ্বে বিজেপি বিধায়ক সঞ্জয় সাৰোগীয়ে লক্ষীচৰাই সম্পৰ্কীয় এটা বিষয় উপস্থাপন কৰিছিল (Issue on Lakhisarai) ৷ সৰোগীয়ে কয় যে, দোষীক গ্ৰেপ্তাৰ কৰা হৈছিল যদিও কোনো শাস্তিমূলক ব্যৱস্থা গ্ৰহণ কৰা হোৱা নাছিল ৷ এই বিষয় উত্থাপনৰ সময়তে সিন্হাই মন্তব্য কৰিছিল যে, ‘‘আৰক্ষীয়ে লক্ষীচৰাইৰ ঘটনাটো গুৰুত্বসহকাৰে লোৱা নাই ৷ সংবিধানৰ ক্ষেত্ৰত মুখ্যমন্ত্ৰী ডাঙৰীয়া আপুনি মোতকৈ বেছি ভালকৈ জানে ৷ মই আপোনাৰ পৰা শিকিছোঁ’’ ৷

অধ্যক্ষগৰাকীয়ে লগতে কয় যে, ‘‘মই বিধায়কসকলৰ ৰক্ষক। যেতিয়াই মই অঞ্চলটোলৈ যাওঁ, মানুহে এই বিষয়ত নিষ্ক্ৰিয়তা সন্দৰ্ভত প্ৰশ্ন কৰে । চৰকাৰে ইয়াৰ ওপৰত কিয় গুৰুত্বসহকাৰে ব্যৱস্থা গ্ৰহণ কৰা নাই ?’’ এই ঘটনাই বিহাৰত এন ডি এৰ অংশীদাৰ ভাৰতীয় জনতা পাৰ্টি আৰু নীতিশ কুমাৰৰ জনতা দল-ইউনাইটেডৰ মাজৰ সম্পৰ্কত সংঘাত সৃষ্টি কৰাৰ সম্ভাৱনা আছে ।

লগতে পঢ়ক :পৌৰসভাৰ কাউন্সিলাৰ হত্যাকাণ্ড : চুপাৰি কিলাৰ আটক