নেশ্যনেল ডেস্ক, ২৮ জুন: ক'ভিড-১৯ মহামাৰীয়ে প্ৰভাৱিত কৰা বিভিন্ন খণ্ডলৈ কেন্দ্ৰৰ সাহায্য । বিভিন্ন খণ্ডৰ বাবে ১.১ লাখ কোটি টকাৰ আঁচনি গ্ৰহণ কৰিছে কেন্দ্ৰীয় বিত্ত মন্ত্ৰালয়ে । সোমবাৰে কেন্দ্ৰীয় বিত্তমন্ত্ৰী নিৰ্মলা সীতাৰমনে(Nirmala Sitharaman) এই কথা ঘোষণা কৰে ।
কেন্দ্ৰীয় মন্ত্ৰীগৰাকীয়ে জনায় যে, স্বাস্থ্য খণ্ডৰ বাবে ৫০,০০০ কোটি টকা আৰু অন্যান্য খণ্ডৰ বাবে অতিৰিক্ত ৬০,০০০ কোটি টকা আবণ্টন দিয়া হৈছে । চিকিৎসা আন্তঃগাঁথনি বৃদ্ধি কৰাৰ উদ্দেশ্যেৰে এই ধনৰাশি আগবঢ়োৱা হৈছে স্বাস্থ্যখণ্ডলৈ । আঠখন মহানগৰৰ বাহিৰে দেশৰ আন চহৰসমূহত স্বাস্থ্য আৰু চিকিৎসা আন্তঃগাঁথনি সম্পৰ্কীয় সম্প্ৰসাৰণ আৰু নতুন প্ৰকল্পৰ বাবে এই পুঁজি ব্যৱহাৰ কৰা হ'ব ।