নেশ্যনেল ডেস্ক,২২ মে' :উত্তৰ প্ৰদেশৰ সিদ্ধাৰ্থনগৰ জিলাত শোকাৱহ দুৰ্ঘটনা (Tragic accident in UP)। শনিবাৰ নিশা এখন বৰযাত্ৰীৰ বাহন দুৰ্ঘটনাগ্ৰস্ত হয় । বৰযাত্ৰী কঢ়িয়াই অনা এখন এছইউভিয়ে ট্ৰাকত খুন্দা মৰাৰ ফলত ৯ জনকৈ লোকৰ মৃত্যু হয় (9 killed in Siddharthnagar road accident)। এই দুৰ্ঘটনাৰ পাছতে সমগ্ৰ অঞ্চলটোত শোকৰ ছাঁ পৰিছে ।
জানিব পৰা মতে যোৱা নিশা যোগিয়া কোতৱালী অঞ্চলৰ নৌগড় বংশী পথত অৱস্থিত কাতিয়া গাঁৱৰ সমীপতে এই দুৰ্ঘটনা সংঘটিত হয় । এছইউভি বাহনখনে ৰৈ থকা ট্ৰাকত খুন্দা মাৰে (SUV rams into truck in UP)। দুৰ্ঘটনাটোত মৃত্যু হোৱা ৭ জনক চিনাক্ত কৰা হৈছে । মৃত লোকসকল ক্ৰমে শচীন পাল, মুকেশ পাল, লালাৰাম পাছৱান, শিৱ সাগৰ, ৰবি পাছৱান, পিন্টু গুপ্তা আৰু চালক গৌৰৱ মৌৰ্য বুলি জানিব পৰা গৈছে । ঘটনাটোত আহত হোৱা সকলৰ পৰিচয় পোৱা হোৱা নাই ।