নেশ্যনেল ডেস্ক, 2 অক্টোবৰ:দেশত অব্যাহত আছে মাওবাদ বিৰোধী অভিযান ৷নক্সাল গোটৰ সদস্যক বিচাৰি অন্ধ্ৰ প্ৰদেশ আৰু তেলেংগানাৰ 60 ৰো অধিক স্থানত ৰাষ্ট্ৰীয় অনুসন্ধান সংস্থাই অভিযান চলাইছিল । ৰাজ্যৰ আৰক্ষী বাহিনীৰ সৈতে যুটীয়া সহযোগত NIA ৰ বিভিন্ন দলে প্ৰাপ্ত খবৰৰ ভিত্তিত অভিযান চলায় ।
NIAৰ এক শীৰ্ষ সূত্ৰই ANI ক জনোৱা মতে, অন্ধ্ৰ প্ৰদেশ আৰু তেলেংগানাৰ মুঠ 60 টা স্থানত নক্সালবাদী সদস্যৰ অভিযানত তালাচী চলাই থকা হৈছে । তেলেংগানাৰ হায়দৰাবাদ আৰু অন্ধ্ৰ প্ৰদেশৰ গুন্টুৰ, নেল্লোৰ আৰু তিৰুপতি জিলাত এই অভিযান চলোৱা বুলি জানিব পৰা গৈছে ।
কেইবাগৰাকীও মানৱাধিকাৰ কৰ্মী-নেতাৰ ঘৰত, যিসকল নেতা-কৰ্মীৰ নক্সালবাদী বিদ্ৰোহী নেতাৰ সৈতে সম্পৰ্ক থকাৰ সন্দেহ প্ৰকাশ কৰা হৈছে, NIA ই তালাচী চলায় । 9 ছেপ্টেম্বৰত ANI য়ে তেলেংগানা আৰু ছত্তীশগড়ত ধাৰাবাহিক অভিযান চলাইছিল ৷ 2023 চনৰ আগষ্ট মাহত নিৰাপত্তা বাহিনীৰ বিৰুদ্ধে ব্যৱহাৰৰ বাবে মজুত কৰাৰ অভিযাগত মাওবাদী বিদ্ৰোহী গোটৰ পৰা জব্দ কৰিবলৈ সক্ষম হৈছিল বিস্ফোৰক সামগ্ৰী, ড্ৰোন আৰু লেথ মেচিন ৷ ইয়াৰ পিচতে নিয়াই মাওবাদী গোটৰ সদস্যক বিচাৰি ধাৰাবাহিক অভিযান আৰু তালাচী চলোৱা পৰিলক্ষিত হৈছিল ।