ISIS সন্ত্ৰাসবাদীক ৭ বছৰৰ কাৰদণ্ড ঘোষণা এনআইএ আদালতৰ

আইএছআইএছৰ দিল্লী আক্ৰমণৰ এক গোচৰৰ ভিত্তিত ৰাষ্ট্ৰীয় তদন্ত সংস্থাৰ আদালতে এজন আইএছআইএছ সন্ত্ৰাসবাদীক সাত বছৰৰ কাৰাদণ্ডৰ ঘোষণা কৰে । অভিযুক্ত ইমৰান খান পাঠান আইএছআইএছ হেণ্ডেলাৰৰ সৈতে পোনপটীয়া যোগাযোগত আছিল ।

নিউজ ডেস্ক,৫ মাৰ্চ:দিল্লীত আইএছআইএছ আক্ৰমণৰ ঘটনাৰ লগত জড়িত সন্ত্ৰাসবাদী ইমৰান খান পাথনক শুকুৰবাৰে ৰাষ্ট্ৰীয় অনুসন্ধান সংস্থাৰ বিশেষ আদালতে সাত বছৰৰ কঠোৰ কাৰাদণ্ডৰ ঘোষণা কৰে ।

বিভিন্ন ছ'চিয়েল মিডিয়া প্লেটফৰ্মৰ জৰিয়তে মুছলমান যুৱকসকলক একত্ৰিত কৰি আৰু নিয়োগ কৰি ভাৰতত আইএছআইএছৰ দ্বাৰা কূটাঘাটৰ পৰিকল্পনা কৰাৰ কু-ষড়যন্ত্ৰৰ বিৰুদ্ধে এন আই এৰ দ্বাৰা ২০১৫চনৰ ৯ ডিচেম্বৰত এটা গোচৰ ৰুজু কৰা হৈছিল । আনকি বহুতো যুৱকে আইএছআইএছ ৰ প্ৰতি আকৰ্ষিত হৈ ভাৰত ত্যাগ কৰি সন্ত্ৰাসবাদী সংগঠনটোত যোগদান কৰিছিল ।

অভিযুক্ত ইমৰান খান পাঠান আইএছআইএছৰ সৈতে পোনপটীয়া যোগাযোগত আছিল । তেওঁ আইইডি তৈয়াৰ কৰাৰ বাবে আৰু ভাৰতত আইএছআইএছৰ কাৰ্যকলাপ বৃদ্ধি কৰিবলৈ শাফি আৰমাৰৰ এজন সহযোগী মুদাববীৰ মুস্তাক শ্বেখৰ পৰা ৫০ হাজাৰ টকাৰ পুঁজিও লাভ কৰাৰ অভিযোগ আছে তেওঁৰ বিৰুদ্ধে।

লগতে পঢ়ক:উত্তৰ প্ৰদেশত ধান ব্যৱসায়ীৰ নিৰ্যাতনৰ বলি হ'ল এগৰাকী মহিলা