New Labour Law : নতুন শ্ৰমিক আইনক লৈ বিতৰ্ক

কেন্দ্ৰীয় চৰকাৰে ১ জুলাইৰ পৰা সমগ্ৰ দেশতে নতুন শ্ৰমিক আইন প্ৰৱৰ্তন কৰিবলৈ সাজু হৈছে (Centre to introduce new labour laws)। বিৰোধীয়ে অৱশ্যে এই ক্ষেত্ৰত বিভিন্ন ধৰণৰ প্ৰশ্ন উত্থাপন কৰিছে । কিন্তু নতুন শ্ৰমিক আইনত কি কি অন্তৰ্ভুক্ত কৰা হৈছে ? নতুন নিয়ম অনুসৰি সপ্তাহত কিমান দিন আপুনি কাম কৰিব লাগিব ?

নেশ্যনেল ডেস্ক,২৯ জুন :বৰ্তমান সময়ত, দেশৰ শ্ৰম আইনৰ বহু ধাৰা অপ্ৰাসংগিক হৈ পৰিছে । শেহতীয়াকৈ সংসদৰ ২০১৯-২০২০ অধিৱেশনত চাৰিটা নতুন শ্ৰমিক সংহিতা গৃহীত হৈছিল (4 new Labour codes passed)। শ্ৰমিক আইনৰ অধীনত ৪৪ টা শ্ৰমিক আইনক 'অপ্ৰাসংগিক' হিচাপে চিহ্নিত কৰা হৈছিল । সেই সময়ত ৪৪ টা আইনৰ ১৫ টা বাতিল কৰা হৈছিল আৰু বাকী ২৯ টা একত্ৰিত কৰা হৈছিল আৰু চাৰিটা শ্ৰমিক সংহিতালৈ সংস্কাৰ কৰা হৈছিল ।

এই ৪ টা শ্ৰমিক সংহিতাই আপোনাক কেনেদৰে প্ৰভাৱিত কৰিব জানিবলৈ ইয়াত ৫ টা বিষয় উল্লেখ কৰা হ'ল :

১. নতুন আইনৰ অধীনত, কোম্পানীবোৰে তেওঁলোকৰ কৰ্মচাৰীসকলক বৰ্তমানৰ পাঁচ দিনৰ পৰিৱৰ্তে চাৰি দিনৰ বাবে কাম কৰিবলৈ অনুমতি দিব লাগিব ।
২. যদি, কোম্পানীবোৰে ৫ দিনৰ পৰিৱৰ্তে ৪ দিনত এটা সপ্তাহ ধৰে, কৰ্মচাৰীসকলে বৰ্তমান কৰি থকা ৮ ঘণ্টাৰ সলনি দিনত ১২ ঘণ্টাকৈ কাম কৰিব লাগিব যাতে মুঠ কামৰ সময়ত কোনো প্ৰভাৱ নপৰে ।
৩. কৰ্মচাৰীসকলৰ বেচিক দৰমহা (Basic salary) গ্ৰ'ছ দৰমহাৰ (Gross salary) ৫০ শতাংশ হ'ব লাগিব । কৰ্মচাৰী আৰু নিয়োগকৰ্তাৰ ভৱিষ্যত নিধিত অৱদান বৃদ্ধি হ'ব আৰু ঘৰলৈ লৈ যোৱা দৰমহাৰ পৰিমাণ হ্ৰাস কৰা হ'ব ।
৪. নতুন সংহিতাবোৰে ঘৰৰ পৰা কাম কৰাৰ ক্ষেত্ৰত গুৰুত্ব প্ৰদান কৰে, যিটো ক'ভিড-১৯ মহামাৰীৰ সময়ত স্বাভাৱিকতে দেখা গৈছিল ।
৫. নতুন সংহিতা অনুসৰি এগৰাকী কৰ্মচাৰীয়ে নতুন চাকৰিত যোগদান কৰাৰ পিছত ২৪০ দিন কাম কৰিব লাগিব, তাৰ পাছতহে ছুটিৰ বাবে যোগ্য হ'ব ।

কেন্দ্ৰীয় চৰকাৰে ১ জুলাইৰ পৰা সমগ্ৰ দেশতে এই নতুন শ্ৰমিক আইন প্ৰৱৰ্তন কৰিবলৈ সাজু হৈছে (Centre to introduce new labour laws in July)। অৱশ্যে, বিৰোধীয়ে ইতিমধ্যে নতুন আইন প্ৰণয়নৰ ক্ষেত্ৰত বিভিন্ন ধৰণৰ প্ৰশ্ন উত্থাপন কৰিছে । বিশেষকৈ পশ্চিমবংগত এই আইনক লৈ ব্যাপক প্ৰতিক্ৰিয়াৰ সৃষ্টি হৈছে ।

ভাৰতীয় ৰাষ্ট্ৰীয় তৃণমূল ট্ৰেড ইউনিয়ন কংগ্ৰেছৰ (INTTUC) ৰাজ্যিক সভাপতি ৰিতুব্ৰত বেনাৰ্জীয়ে এই ক্ষেত্ৰত কয় যে এই নতুন শ্ৰমিক সংহিতা সম্পূৰ্ণৰূপে শ্ৰমিক বিৰোধী । আমাৰ দেশৰ শ্ৰমিক সংহিতাত, একেবাৰতে ৪৪ টা আইন বাতিল কৰা হৈছে আৰু এক নতুন শ্ৰমিক সংহিতা প্ৰৱৰ্তন কৰা হৈছে যি সম্পূৰ্ণৰূপে শ্ৰমিক বিৰোধী । বেনাৰ্জীৰ মতে কাম কৰাৰ অধিকাৰ কাঢ়ি লোৱা হৈছে আৰু তাৰ পৰিৱৰ্তে ১২ ঘণ্টা বাধ্য কৰা হৈছে । সকলো ক্ষমতা নিয়োগকৰ্তাক হস্তান্তৰ কৰা হৈছে আৰু ট্ৰেড ইউনিয়নৰ অধিকাৰ কাঢ়ি লোৱা হৈছে ।

INTTUCৰ ৰাজ্যিক সভাপতিগৰাকীয়ে লগতে কয় যে যিহেতু পশ্চিমবংগৰ মুখ্যমন্ত্ৰীয়ে ইতিমধ্যে এই শ্ৰমিক বিধি প্ৰৱৰ্তন কৰা নহ'ব বুলি আশ্বাস দিছে । সেয়েহে ৰাজ্যখনৰ শ্ৰমিকসকলে এই ক্ষেত্ৰত চিন্তা কৰিব নালাগে বুলিও তেওঁ উল্লেখ কৰে ।

চেণ্টাৰ অফ ইণ্ডিয়ান ট্ৰেড ইউনিয়ন (CITU)ৰ ৰাজ্যিক সম্পাদক আৰু ৰাজ্যৰ প্ৰাক্তন শ্ৰম মন্ত্ৰী অনাদিচৰণ চাহুৱেও প্ৰতিক্ৰিয়া ব্যক্ত কৰি কয় যে আইনখন একেবাৰে যুক্তিসঙ্গত নহয় । সংগঠনটোৱে এই আইনৰ তীব্ৰ বিৰোধিতা কৰে । প্ৰাক্তন মন্ত্ৰীগৰাকীৰ মতে তেওঁলোকে পূৰ্বেও এই আইনৰ বিৰোধিতা কৰিছে আৰু পুনৰ বিৰোধিতা কৰি যাব ।

বাওঁপন্থীসকলৰ সকলো শ্ৰমিক সংগঠনেই ইয়াৰ বিৰোধিতা কৰিছে বুলি তেওঁ উল্লেখ কৰে । আনহাতে দিল্লীত আহ্বান কৰা বৈঠকতো তেওঁলোকে স্পষ্টভাৱে এই আইনৰ বিৰোধিতা কৰিছে বুলিও CITUৰ ৰাজ্যিক সম্পাদক আৰু ৰাজ্যৰ প্ৰাক্তন শ্ৰম মন্ত্ৰী অনাদিচৰণ চাহুৱেও উল্লেখ কৰে ।

আনহাতে, বিজেপিৰ ৰাজ্যিক সভাপতি সুকান্ত মজুমদাৰে আইনৰ সমৰ্থনত কয় যে পূৰ্বে শ্ৰমিক বিধিত বহুতো আইন আছিল । এই সকলোবোৰ আইন ভাৰতৰ ঔদ্যোগিকৰণ ত্বৰান্বিত কৰিবলৈ আৰু শ্ৰমিকসকলৰ স্বাৰ্থ সুৰক্ষিত কৰিবলৈ এক সংহিতালৈ অনা হৈছে । বিজেপিয়ে এই সংহিতা প্ৰস্তুত কৰিছে । আইনখন অহাৰ পাছতহে পশ্চিমবংগৰ মুখ্যমন্ত্ৰী আৰু তেওঁৰ দলে কেনে ধৰণৰ বিৰোধিতা কৰিছে সেই প্ৰশ্নবোৰৰ উত্তৰ দিব বিজেপিয়ে ।

লগতে পঢ়ক :দেশৰ নীল অৰ্থনীতিক ত্বৰান্বিত কৰাৰ লক্ষৰে বন্দৰ, জাহাজ পৰিবহণ আৰু জলপথ মন্ত্ৰালয়ৰ চিন্তন বৈঠক