Nepal PM Madhya Pradesh visit: দুদিনীয়া কাৰ্যসূচীৰে আজি ইন্দোৰত উপস্থিত হ’ব নেপালৰ প্ৰধানমন্ত্ৰী পুষ্প কমল দাহাল

নেপালৰ প্ৰধানমন্ত্ৰী পুষ্প কমল দাহাল ওৰফে প্ৰচণ্ড দুদিনীয়া ভ্ৰমণ আজিৰ পৰা মধ্যপ্ৰদেশৰ ইন্দোৰত আৰম্ভ হৈছে । চহৰখনত নিৰাপত্তা বৃদ্ধি কৰা হৈছে কিয়নো নাপালিজ প্ৰধানমন্ত্ৰীজনে উজ্জয়িনীৰ মহাকালেশ্বৰ ভ্ৰমণকে ধৰি কেইবাটাও কাৰ্যসূচীত অংশগ্ৰহণ কৰিব । ইন্দোৰ বিমানবন্দৰত উপস্থিত হোৱাৰ পিচত তেওঁক পৰম্পৰাগতভাৱে আদৰণি জনোৱা হ'ব (Nepal PM Madhya Pradesh visit) ।

নেশ্যনেল ডেস্ক, 2 জুন :ইন্দোৰত নেপালৰ প্ৰধানমন্ত্ৰী পুষ্প কমল দাহাল ওৰফে প্ৰচণ্ড আগমনৰ বাবে নিৰাপত্তা ব্যৱস্থা কটকটীয়া কৰি তোলা হৈছে । চহৰখনত হাজাৰ হাজাৰ আৰক্ষী কৰ্মী মোতায়েন কৰা হৈছে আৰু ইন্দোৰৰ আকাশত তিনি কিলোমিটাৰ ব্যাসাৰ্ধৰ ভিতৰত ড্ৰোন, পেৰাগ্লাইডাৰ, হট এয়াৰ বেলুন আৰু অন্যান্য উৰণীয়া বস্তু উৰোৱাৰ ওপৰত নিষেধাজ্ঞা আৰোপ কৰা হৈছে ৷ আনহাতে এই উপলক্ষে ধাৰা ১৪৪ ও কাৰ্যকৰী কৰা হৈছে (Nepal PM Madhya Pradesh visit)।

নেপালৰ প্ৰধানমন্ত্ৰীৰ লগতে আন বহু অতিথি আৰু বিষয়া ইন্দোৰত উপস্থিত হৈছে আৰু তেওঁলোকৰ ভ্ৰমণৰ বাবে কটকটীয়া নিৰাপত্তা ব্যৱস্থা গঢ়ি তোলা হৈছে । বিশেষ অতিথিসকলৰ প্ৰতি নিৰাপত্তাজনিত বিপদ আৰু সম্ভাৱ্য ভাবুকিৰ প্ৰতি লক্ষ্য ৰাখি আৰক্ষী আয়ুক্ত মাকাৰন্দ দেওস্কৰে ১৪৪ নং ধাৰাত মহানগৰীৰ কিছু অংশত নিষেধাজ্ঞামূলক আদেশ জাৰি কৰিছে ।

নিৰ্দেশ অনুসৰি বিমানবন্দৰৰ পৰা হোটেল মেৰিয়েটলৈ যোৱা পথৰ দুয়োকাষে ইনফ’ছিছ আৰু বিমানবন্দৰৰ পৰা ০৩ কিলোমিটাৰ ব্যাসাৰ্ধৰ ভিতৰত ড্ৰ’ন, পেৰাগ্লাইডাৰ, হট এয়াৰ বেলুন আৰু অন্যান্য উৰণীয়া বস্তু উৰুৱা নিষিদ্ধ কৰা হৈছে । উক্ত স্থানক Red Zone (No Flying Zone) হিচাপে ঘোষণা কৰা হৈছে । এই আদেশ তাৎক্ষণিকভাৱে কাৰ্যকৰী হ’ব আৰু ২০২৩ চনৰ ৩ জুনলৈকে কাৰ্যকৰী হৈ থাকিব । যদিহে এই আদেশ উলংঘা হোৱা দেখা যায় তেন্তে ভাৰতীয় দণ্ডবিধিৰ ১৮৮ ধাৰা আৰু অন্যান্য প্ৰাসংগিক ধাৰা আৰু আইনৰ অধীনত দোষী ব্যক্তিজনৰ বিৰুদ্ধে আইনী ব্যৱস্থা গ্ৰহণ কৰা হ’ব ।

ইফালে নেপালৰ প্ৰধানমন্ত্ৰী পুষ্প কমল দাহালক পৰম্পৰাগতভাৱে সম্বৰ্ধনা জনোৱাৰ ব্যৱস্থা কৰা হৈছে । দুদিনীয়া ভ্ৰমণৰ বাবে কৰা প্ৰস্তুতি চূড়ান্ত কৰা হৈছে । প্ৰস্তাৱিত কাৰ্যসূচী অনুসৰি আজি পুৱা ১০ বজাত বিমানেৰে ইন্দোৰত উপস্থিত হ’ব নেপালৰ প্ৰধানমন্ত্ৰী (Nepal PM Pushpa Kamal Dahal)। ইয়াৰ পৰাই তেওঁ উজ্জয়িনীৰ মহাকালেশ্বৰলৈ ৰাওনা হ’ব ।

তেওঁ পুনৰ দুপৰীয়া ইন্দোৰলৈ আহি মধ্যপ্ৰদেশৰ ৰাজ্যপাল মংগুভাই পেটেলৰ সৈতে বৈঠকত মিলিত হ’ব । সন্ধিয়া তেওঁ কঠিন আৱৰ্জনা ব্যৱস্থাপনা উদ্যোগ (Solid Waste Management Plant) পৰিদৰ্শন কৰিব আৰু তাৰ পিছত হোটেল মেৰিয়েটত মুখ্যমন্ত্ৰী শিৱৰাজ সিং চৌহানে আয়োজন কৰা ৰাতিৰ আহাৰ গ্ৰহণ কাৰ্যসূচীত অংশগ্ৰহণ কৰিব । কাইলৈ নেপালৰ প্ৰধানমন্ত্ৰীগৰাকীয়ে ইন্দোৰৰ ইনফ’ছিছ ইকনমিক জ’ন ভ্ৰমণ কৰিব আৰু পিচত তেওঁ দিনৰ ১.১৫ বজাত দিল্লীলৈ ৰাওনা হ’ব ।

লগতে পঢ়ক :Rahul Gandhi America visit : সাংসদ পদ খাৰিজক লৈ আমেৰিকাত ৰাহুলৰ প্ৰতিক্ৰিয়া