নিউজ ডেস্ক, ৪ মাৰ্চ : ছত্তীশগড়ৰ নাৰায়ণপুৰ জিলাত মাওবাদীয়ে দুটা পৃথক স্থানত বেনাৰ, পোষ্টাৰ লগোৱাৰ লগতে প্ৰচাৰ-পত্ৰিকা বিতৰণ কৰি ভাবুকি প্ৰদান কৰিছে । নিকটৱৰ্তী এখন বজাৰতো প্ৰচাৰ-পত্ৰিকা বিতৰণ কৰে (Naxalite threatening banner in Chhattisgarh) । নক্সালৰ পূব বস্তাৰ ডিভিজন কমিটীয়ে নিজৰ ভুল মানি নল'লে ছোটেডংগাৰচৰ গাঁওবুঢ়া হৰিমাঝি, বৈদৰাজ আৰু কোমল মাঝিক হত্যা কৰাৰো ভাবুকি দিয়ে (Naxalite Terror in Chhattisgarh) ।
মাওবাদীয়ে নাৰায়ণপুৰ উন্নয়ন খণ্ডৰ জিলা সদৰৰ পৰা ১২ কিলোমিটাৰ দূৰৈত বৰন্দ গাঁৱৰ সৌৰ পানীৰ টেংকত বেনাৰ লগাইছে আৰু মাওবাদীৰ লক্ষ্যত থকা গাঁওবুঢ়া, সচিব আৰু অন্যান্য় লোকসকলক চিৰদিনৰ বাবে বিদায় দিয়াৰ চূড়ান্ত সতৰ্কবাণী দিয়ে (Naxalite postering death threatening in Chhattisgarh) । এই পত্ৰিকা আৰু বেনাৰবোৰ নক্সালবাদীৰ নেলনাৰ এলেকা সমিতিৰ চামডুৰ নামত লগোৱা হৈছে । এই গোটেই ঘটনাটো সংঘটিত হৈছে কুকদাঝোৰ আৰক্ষী থানা অঞ্চলত । ইয়াৰ পিছতে অঞ্চলটোত তীব্ৰ আতংকৰ পৰিৱেশৰ সৃষ্টি হয় ।
উল্লেখ্য, নাৰায়ণপুৰ হৈছে এখন নক্সাল অধ্যুষিত জিলা (Naxalite attack on BJP leader in Chhattisgarh) । তাত নক্সাল সন্ত্ৰাসৰ প্ৰভাৱ সকলোতে দেখা যায় । ছোটেডংগাৰত বিজেপি নেতা সাগৰ চাহু মাওবাদীৰ আক্ৰমণত নিহত হৈছিল । নক্সালবাদীয়ে এই হত্যাৰ দায়িত্বও স্বীকাৰ কৰিছিল ।