Chamoli Accident: উত্তৰাখণ্ডত বিদ্যুৎস্পৃষ্ট হৈ 16 গৰাকী লোকৰ মৃত্যু, আহত 11

উত্তৰাখণ্ডত মৰ্মান্তিক ঘটনা ৷ বিদ্যুৎস্পৃষ্ট হৈ 16 গৰাকী লোকৰ মৃত্যু ৷ আহত 11 গৰাকীকৈ লোক ৷ ঘটনা সন্দৰ্ভত দণ্ডাধীশ পৰ্যায়ৰ তদন্ত আৰম্ভ ৷ ভুক্তভোগীসকলৰ বাবে ক্ষতিপূৰ্ণ ঘোষণা মুখ্যমন্ত্ৰীৰ ৷

নেশ্যনেল ডেস্ক, 19 জুলাই:উত্তৰাখণ্ডত বুধবাৰে সংঘটিত হয় এক শোকাৱহ ঘটনা ৷ অলকানন্দা নদীৰ পাৰত নমামি গঙ্গে প্ৰকল্পৰ দ্বাৰা নিৰ্মাণ কৰি থকা এটা নৰ্দমা শোধন প্ৰকল্পত ট্ৰেন্সফৰ্মাৰৰ পৰা বিদ্যুৎ প্ৰবাহ আৰম্ভ হয় ৷ ইয়াৰ ফলত বিদ্যুৎস্পৃষ্ট হৈ 16জন লোকৰ মৃত্যু হোৱাৰ লগতে আহত হয় 11 জন লোকৰ ৷

আহতসকলৰ ভিতৰত গুৰুতৰ অৱস্থাত থকা 6 জন লোকক বিমানেৰে ঋষিকেশ এইমছলৈ প্ৰেৰণ কৰা হৈছে ৷ জানিব পৰা মতে বুধবাৰে পুৱা 11.35 বজাত সংঘটিত হয় এই ঘটনা ৷ নিহতসকলৰ ভিতৰত চাৰিগৰাকী আৰক্ষী থকাৰ লগতে আছে এগৰাকী গৃহৰক্ষী জোৱান ৷

ৰাজ্যখনৰ মুখ্যমন্ত্ৰী পুষ্কৰ সিং ধামীয়ে সমগ্ৰ ঘটনাৰ দণ্ডাধীশ পৰ্যায়ৰ তদন্তৰ নিৰ্দেশ দিয়াৰ লগতে ক্ষতিপূৰণৰ ঘোষণা কৰিছে ৷ নিহত লোকসকলৰ পৰিয়ালক 5 টকাৰ এককালীন সাহায্য দিয়াৰ লগতে আহতসকলক দিয়া হ’ব 1 লাখ টকাৰ এককালীন সাহায্য ৷ মুখ্যমন্ত্ৰীগৰাকীয়ে ঘটনাস্থলীলৈ হেলিকপ্টাৰযোগে ৰাওনা হয় যদিও প্ৰতিকূল বতৰৰ বাবে ওভতি আহিব লগা হয় ৷

ঘটনা সন্দৰ্ভত প্ৰতিক্ৰিয়া প্ৰকাশ কৰি মুখ্যমন্ত্ৰীগৰাকীয়ে কয় যে আহত আটইকে উচিত চিকিৎসা প্ৰদান কৰা হ’ব আৰু ঘটনাৰ তদন্ত কৰি দোষীক কঠোৰ শাস্তি প্ৰদান কৰা হ’ব ৷ ইফালে, ঘটনা সন্দৰ্ভত প্ৰধানমন্ত্ৰী নৰেন্দ্ৰ মোদীৰ লগতে কেন্দ্ৰীয় গৃহমন্ত্ৰী অমিত শ্বাহেও শোক প্ৰকাশ কৰিছে ৷ প্ৰধানমন্ত্ৰীগৰাকীয়ে শোকসন্তপ্ত পৰিয়ালৰ প্ৰতি সমবেদনা জ্ঞাপন কৰে আৰু আহতসকলৰ আশু আৰোগ্য কামনা কৰে ।

তথ্য অনুসৰি চামোলী জিলাৰ অলকানন্দা নদীৰ পৰাত এটা প্ৰকল্পৰ কাম চলি আছে ৷ বুধবাৰে পুৱাৰ ভাগত প্ৰকল্পস্থলীলৈ বিদ্যু যোগান আৰম্ভ কৰা হৈছিল ৷ কিন্তু দুৰ্ভাগ্যৱশত সেই বিদ্যুৎ সমগ্ৰ অঞ্চলটোত প্ৰবাহিত হয় আৰু এই শোকাৱহ দুৰ্ঘটনাটোত 16 গৰাকী লোকৰ মৃত্যু হয় ৷

লগতে পঢ়ক:Cloudburst in Pithoragarh : উত্তৰাখণ্ডৰ চীনা সীমান্তত ডাৱৰ বিস্ফোৰণ; বিআৰঅ' দলং আৰু পথ ধ্বংস