নেশ্যনেল ডেস্ক, 21 ফেব্ৰুৱাৰী: মুম্বাইৰ থানে আৰক্ষীয়ে শুকুৰবাৰ আৰু শনিবাৰে 767 জন অটোৰিক্সা চালকৰ বিৰুদ্ধে COVID-19 প্ৰট'কল উলংঘনৰ গোচৰ ৰুজু কৰি তেওঁলোকৰ পৰা 3,80,000 টকাতকৈ অধিক জৰিমনা সংগ্ৰহ কৰিছে বুলি যান-বাহন আৰক্ষীয়ে জনাইছে ।
ইয়াৰ আগতেও, মুম্বাই ডিভিজন অৱ ৰে'লৱে আৰু ব্ৰিহানমুম্বাই পৌৰ নিগমে (বিএমচি) 1ফেব্ৰুৱাৰীৰ পৰা 14 ফেব্ৰুৱাৰীৰ ভিতৰত 4618 গৰাকী ৰে'ল যাত্ৰীৰ পৰা ফেচ মাস্ক পৰিধান নকৰাৰ বাবে জৰিমনা বিহিছিল ৷ কিয়নো বৰ্তমানেও COVID-19 মহামাৰীৰ প্ৰট'কল মানি চলাতো বাধ্যতামূলক বুলি স্বাস্থ্য বিভাগে ঘোষণা কৰিছে।