জাতীয় পতাকাৰ ৰঙেৰে উদ্ভাসিত হ’ল মুকেশ আম্বানীৰ বাসগৃহ এন্টিলিয়া

২০২২ চনৰ স্বাধীনতা দিৱসৰ প্ৰাকক্ষণত মুম্বাইত থকা নিজৰ বিলাসী বাংলো ‘এন্টিলিয়া’ক (Mukesh Ambani's house name) ত্ৰিৰংগালৈ ৰূপান্তৰিত কৰিলে দেশৰ বৃহত্তম উদ্যোগপতি মুকেশ আম্বানীয়ে ।

চিটাৰা ডেস্ক, 15 আগষ্ট :স্বাধীনতাৰ গৌৰৱময় 75 টা বছৰ অতিক্ৰম কৰাৰ ক্ষণত ভাৰত চৰকাৰে এইবাৰ স্বাধীনতা দিৱসৰ লগত সংগতি ৰাখি ‘আজাদী কা অমৃত মহোৎসৱ ২০২২’ ৰ অধীনত ‘ঘৰে ঘৰে জাতীয় পতাকা’ অভিযান আৰম্ভ কৰে ৷ ভাৰত চৰকাৰে সকলো জনসাধাৰণকে Har Ghar Tiranga অভিযানত যোগদান কৰিবলৈ আহ্বান জনাইছে । সাধাৰণ মানুহৰ পৰা নামী-দামী তাৰকা, উদ্যোগপতি সকলোৱে অংশ লৈছে এই অভিযানত ৷

সকলোৰে ঘৰে ঘৰে উৰিছে একো একোখনকৈ জাতীয় পতাকা ৷ কিন্তু অভিযানৰ মাজতে সকলোৰে দৃষ্টি আকৰ্ষণ কৰিছে ভাৰতৰ বিশিষ্ট উদ্যোগপতি মুকেশ আম্বানীৰ বাসগৃহই ৷ মুকেশ আম্বানীয়ে মুম্বাইত থকা নিজৰ বিলাসী বাংলো ‘এন্টিলিয়া’ক ত্ৰিৰংগালৈ ৰূপান্তৰিত কৰিছে (Mukesh Ambani's house name)। তিনি বৰণীয়া জাতীয় পতাকাখনৰ ৰঙেৰে অতি বিলাসী আৰু সুন্দৰ শৈলীৰে সজাই পৰাই তোলা হৈছে ‘এন্টিলিয়া’ক ৷ এতিয়া দূৰ-দূৰণিৰ পৰা মানুহ আহিছে মুকেশ আম্বানীৰ বাংলো চাবলৈ ৷

ত্ৰিৰঙী লাইটেৰে সজাই তোলা মুকেশ আম্বানীৰ বাংলো এন্টিলিয়াৰ ফটো আৰু ভিডিঅ’ ভাইৰেল হৈ পৰিছে ছ’চিয়েল মিডিয়াত । স্বাধীনতা দিৱস উপলক্ষে সমগ্ৰ আম্বানী পৰিয়ালে দেশৰ স্বাধীনতা উদযাপন কৰিছে ।

ইয়াৰ উপৰিও এন্টিলিয়া অভিমুখী পথবোৰো জাতীয় পতাকাৰ ৰঙৰ লাইট লগাই সেই পোহৰেৰে সজাই তোলা হৈছে । ভিডিঅ’টোত দেখা গৈছে অশোক চক্ৰক বহু লাইটেৰে প্ৰস্তুত কৰা হৈছে । ছ’চিয়েল মিডিয়াত ইউজাৰে মুকেশ আম্বানীৰ দেশভক্তিক প্ৰশংসা কৰিছে ৷

১৯৪৭ চনৰ ১৫ আগষ্টত আমাৰ দেশ ইংৰাজৰ কবলৰ পৰা মুক্ত হৈছিল । ১৯৪৭ চনৰ পৰা আজি ভাৰতে স্বাধীনতাৰ 75 বছৰ সম্পূৰ্ণ কৰি ভৰি থ’লে 76 বছৰত ৷ 76 সংখ্যক স্বাধীনতা দিৱস উদযাপন বাবে এইবাৰ চৰকাৰে আৰম্ভ কৰিছে ‘Har Ghar Tiranga’ অভিযান, য’ত প্ৰতিঘৰ মানুহে নিজৰ বাসগৃহত লগাইছে একোখনকৈ পতাকা ৷