নেশ্যনেল ডেস্ক, ২৩ মে':সমগ্ৰ দেশৰ লগতে মিজোৰামত শেহতীয়াকৈ বৃদ্ধি পাইছে কৰ'ণাৰ সংক্ৰমণ । মিজোৰামৰ ৰাজধানী চহৰ আইজলত দ্ৰুত সংক্ৰমণৰ ফলত কেইবাটাও অঞ্চল কণ্টেইনমেন্ট জ'ন হিচাপে ঘোষণা কৰিছে প্ৰশাসনে । তেনেস্থলত কণ্টেইনমেন্ট জ'নৰ বাসিন্দাৰ সহায়ৰ বাবে আগবাঢ়ি আহিছে মিজোৰাম প্ৰদেশ কংগ্ৰেছ কমিটী (এমপিচিচি) ।
চহৰখনত ঘোষণা কৰা ৫ টাকৈ কণ্টেইনমেন্ট জ'নৰ প্ৰতিটোৰ বাবে ২০ হাজাৰকৈ টকাৰ বিশেষ পুঁজি আগবঢ়াইছে এমপিচিচিয়ে । মিজোৰাম প্ৰদেশ কংগ্ৰেছ কমিটীয়ে চহৰখনৰ গালচাৱম, বৈৰাবি, লাবুং আৰু জোখাৱথাৰ গাঁৱলৈ এই পুঁজি আগবঢ়াইছে ।