পেহীৰ ভূমিকাত নিজক সীমাবদ্ধ কৰি মমতাই Nopotism কৰিছে: মোডী

মমতা বেনাৰ্জীক তীব্ৰ ভাষাৰে সমালোচনা প্ৰধানমন্ত্ৰী নৰেন্দ্ৰ মোডীৰ ৷ ৰাজ্যখনৰ জনসাধাৰণক মমতাই বিশ্বাসঘাটকতা কৰাৰ অভিযোগ মোডীৰ ৷ মমতাৰ দলে লোকতন্ত্ৰক লুটতন্ত্ৰলৈ পৰিৱৰ্তন কৰা বুলি মন্তব্য প্ৰধানমন্ত্ৰী মোডীৰ ৷

নেচনেল ডেস্ক, 7 মাৰ্চ:দেওবাৰে প্ৰধানমন্ত্ৰী নৰেন্দ্ৰ মোডীয়ে পশ্চিমবংগৰ মুখ্যমন্ত্ৰী মমতা বেনাৰ্জীক তীব্ৰ ভাষাৰে সমালোচনা কৰি ৰাজ্যখনৰ জনসাধাৰণক মমতাই বিশ্বাসঘাটকতা কৰাৰ লগতে অপমান কৰাৰ অভিযোগ উত্থাপন কৰে ৷ মমতাই ৰাইজৰ বাইদেউৰ ভূমিকা পালনৰ কথা পাহৰি ভতিজা সকলৰ বাবে পেহীৰ ভূমিকাত নিজক সীমাবদ্ধ কৰি Nopotism কৰা বুলিও কটাক্ষ কৰে ৷

ব্ৰিগেড পেৰেড গ্ৰাউন্ডত এক বৃহৎ ৰেলী সম্বোধন কৰি মুখ্যমন্ত্ৰী মমতা বেনাৰ্জীক কটাক্ষ কৰি মোডীয়ে কয় যে, "আপুনি বংগৰ লোকসকলক বিশ্বাসঘাটকতা আৰু অপমান কৰিছে ৷ বাঁও শাসন শেষ হোৱাৰ পাছত আপুনি পৰিৱৰ্তন আনিব বুলি ৰাইজে আশা কৰিছিল কিন্তু আপুনি ৰাইজৰ আশা আৰু সপোনত চেঁচাপানী ধালিলে ৷ "

মৰমেৰে বাইদেউ বুলি সম্বোধন কৰা ৰাইজক অৱজ্ঞা কৰি ভতিজা সকলৰ বাবে পেহীৰ ভূমিকা পালন কৰা বুলি অভিযোগ কৰি মোডীয়ে বেনাৰ্জীয়ে Nepotism ৰ প্ৰচাৰ কৰিছে বুলি অভিযোগ কৰে ৷ মোডীয়ে লগতে এইবুলিও কয় যে তেঁও পশ্চিমবংগত প্ৰকৃত পৰিৱৰ্তন অনাৰ বাবে দায়িত্ব ল'ব ৷ মমতাৰ দলে লোকতন্ত্ৰক লুটতন্ত্ৰলৈ পৰিৱৰ্তন কৰি গণতন্ত্ৰক ভৰিৰে মোহৰা বুলি অভিযোগ কৰাৰ লগতে মোডীয়ে এইবুলিও কয় যে, দিদিয়ে সৃষ্টি কৰা বোকাৰ বাবেই পশ্চিমবংগত এতিয়া পদুম ফুলিব ৷

লগতে পঢ়ক:মিথুন চক্ৰৱৰ্তীক সাক্ষাৎ কৈলাশ বিজয়বৰ্গীয়াৰ