নিউজ ডেস্ক, ৬ ডিচেম্বৰ : বিশ্ববিখ্যাত জ্যোতিৰ্লিঙ্গ বাবা মহাকাল মন্দিৰ হৈছে লাখ লাখ ভক্তৰ বিশ্বাসৰ কেন্দ্ৰবিন্দু (world famous jyotirlinga Mahakal Temple)। কিন্তু মন্দিৰ চৌহদত ভক্তসকলৰ পিছত শেহতীয়াভাৱে নিৰাপত্তাৰক্ষীৰ দ্বাৰা ৰিল ভিডিঅ' নিৰ্মাণৰ বিষয়টো পোহৰলৈ অহাৰ লগে লগে বৰ্তমান মন্দিৰ সমিতিয়ে মন্দিৰটোৰ প্ৰতিচ্ছবি কলুষিত হোৱা বুলি উক্ত বিষয়টো গুৰুত্বসহকাৰে লৈছে । সেয়ে বৰ্তমান ২০ ডিচেম্বৰ, ২০২২-ৰ পৰা মন্দিৰলৈ লগত মোবাইল ফোন নিয়াৰ ওপৰত সম্পূৰ্ণ নিষেধাজ্ঞা জাৰি কৰিছে ।
লগতে আগন্তুক নৱবৰ্ষৰ প্ৰতি লক্ষ্য ৰাখি ২৪ ডিচেম্বৰ, ২০২২-ৰ পৰা ৫ জানুৱাৰী, ২০২৩-লৈকে মন্দিৰৰ গৰ্ভগৃহত ভক্তৰ প্ৰৱেশ সম্পূৰ্ণৰূপে নিষিদ্ধ কৰাৰ নিৰ্দেশ জাৰি কৰা হৈছে । আনহাতে, লোকচানৰ বাবে উজ্জয়িনী মহাকালেশ্বৰ মন্দিৰত (Ujjain mahakaleshwar temple) উপলব্ধ লাড়ু প্ৰসাদৰ মূল্য প্ৰতিকেজিত ৩০০ টকাৰ পৰা 360 টকালৈকে বৃদ্ধি কৰাৰ কথা চিন্তা কৰা হৈছে । আগন্তুক 2-3 দিনৰ ভিতৰত এই সিদ্ধান্তক চূড়ান্ত ৰূপ দিয়া হৈছে ।
উল্লেখ্য, শ্ৰী মহাকাল মহালোক হোৱাৰ পিছত মহাকালেশ্বৰ মন্দিৰ পৰিচালনা সমিতিৰ প্ৰথম আৰু গুৰুত্বপূৰ্ণ বৈঠকখন সোমবাৰে অনুষ্ঠিত হয় । উক্ত বৈঠকত মন্দিৰ পৰিচালনা সমিতিৰ সভাপতি আৰু সংগ্ৰাহক আশিস সিঙে কয়, "নিৰন্তৰ অভিযোগ পোৱাৰ পিছত 20 ডিচেম্বৰৰ পৰা শ্ৰী মহাকাল মন্দিৰত মোবাইল আৰু বেগ কঢ়িয়াই নিয়াৰ ওপৰত সম্পূৰ্ণ নিষেধাজ্ঞা আছে (mobile phone ban in Mahakaleshwar temple) ।
যাৰ বাবে এই ১৫ দিনৰ ভিতৰত মন্দিৰৰ বাহিৰত লকাৰৰ সুবিধা প্ৰদান কৰা হ'ব । এই নিয়ম মন্দিৰৰ পুৰোহিত, নিৰাপত্তাৰক্ষীসকলৰ ক্ষেত্ৰতো প্ৰযোজ্য হ'ব আৰু সেয়া উলংঘন কৰা আৰু তাৰ পিছত ধৰা পৰাৰ ক্ষেত্ৰত জৰিমনা বিহা হ'ব । সোনকালেই কিমান জৰিমনা জাৰি কৰা হ'ব তাৰ জাননী জাৰি কৰা হ'ব ।