নেশ্যনেল ডেস্ক, 2 অক্টোবৰ: দেশজুৰি অব্যাহত আছে নিচাজাতীয় দ্ৰব্যৰ সৰবৰাহ ৷ নিত্য নতুন কৌশল অৱলম্বন কৰি সৰবৰাহকাৰীয়ে কঢ়িয়াইছে এই বৰবিহ ৷ পিছে এই ক্ষেত্ৰত দেশৰ নিৰাপত্তা বিভাগেও ধাৰাবাহিকভাৱে অব্যাহত ৰাখিছে নিচাজাতীয় দ্ৰব্য বিৰোধী অভিযান (India police against drugs) ৷
নৱী মুম্বাইত ৰাজহ চোৰাংচোৱা সঞ্চালকালয়ে (Directorate of Revenue Intelligence ) শুকুৰবাৰে অভিযান চলাই জব্দ কৰে বৃহৎ পৰিমাণৰ ক্ৰিষ্টাল মেথামফেটামাইন আৰু ক’কেইন ৷ চোৰাংচোৱা সঞ্চালকালয়ে জানিবলৈ দিয়া অনুসৰি জব্দকৃত নিষিদ্ধ দ্ৰব্যখিনিৰ বজাৰ মূল্য প্ৰায় ১,৪৭৬ কোটি টকা (Large amount of Meth cocaine seized) ৷
তথ্য অনুসৰি জানিব পৰা মতে, কমলাৰ কাৰ্টুনত লুকুৱাই থোৱা অৱস্থাত জব্দ কৰে ড্ৰাগছখিনি ৷ মুঠ ১৯৮ কেজি স্ফটিক মেথামফেটামাইন আৰু ৯ কেজি ক’কেইন জব্দ কৰে বুলি জানিব পৰা গৈছে (Cocaine seized in Navi Mumbai) ।