নেশ্যনেল ডেস্ক,২১ নৱেম্বৰ:দেওবাৰে পুনে-বেংগালুৰু ঘাইপথত এক ভয়ংকৰ পথ দুৰ্ঘটনা সংঘটিত হয়(Massive accident on Pune Bengaluru highway) । এই দুৰ্ঘটনাটোত প্ৰায় ৪৮ খন বাহন ক্ষতিগ্ৰস্ত হোৱাৰ তথ্য পোৱা গৈছে । পুনে অগ্নি নিৰ্বাপক বাহিনী আৰু পুনে মেট্ৰ'পলিটান ৰিজিয়ন ডেভেলপমেণ্ট অথৰিটি(Pune Metropolitan Region Development Authority)ৰ উদ্ধাৰকাৰী দল ঘটনাস্থলীত উপস্থিত হৈ আৰম্ভ কৰে অভিযান ।
দেওবাৰে সন্ধিয়াৰ ভাগত মুম্বাই-বেংগালুৰু ঘাইপথত সংঘটিত হয় এই দুৰ্ঘটনাটো । এখন দলঙৰ ওপৰত এখন ট্ৰাকে মহতিয়াই নিয়ে কেইবাখনো বাহন । দুৰ্ঘটনাত কেইবাজনো লোক আহত হোৱা বুলি এগৰাকী আৰক্ষী বিষয়াই জানিবলৈ দিয়ে । আৰক্ষী বিষয়াগৰাকীয়ে প্ৰকাশ কৰা অনুসৰি নাভালে দলঙত সংঘটিত হয় এই ভয়ংকৰ পথ দুৰ্ঘটনাটো । আৰক্ষীয়ে প্ৰাৰম্ভিক তদন্তত পোৱা তথ্য অনুসৰি অনুসৰি ট্ৰাকখনৰ ব্ৰেক বিকল হোৱাৰ পাছত বাহনখনে নিয়ন্ত্ৰণ হেৰুৱাই মহতিয়াই নিয়ে সেই সময়ত পথেৰে গৈ থকা বাহনসমূক ।