নিউজ ডেস্ক,৭ অক্টোবৰ :১৯৭৬ চনত জাৰ্মানীৰ মাৰ্বাৰ্গ আৰু ফ্ৰাংকফুর্ট আৰু ছাৰ্বিয়াৰ বেলগ্ৰেডত এক নতুন ভাইৰাছৰ প্ৰাদুৰ্ভাৱ হৈছিল (Marburg first outbreak in 1976)। তেতিয়া মাৰ্বাৰ্গৰ ভাইৰোলজিষ্টসকলে আৱিষ্কাৰ কৰিছিল এই 'মাৰ্বাৰ্গ ভাইৰাছ'ৰ । যাক ফিলোভিৰিডে ভাইৰাছ আৰু ইবোলা ভাইৰাছৰ অনুৰূপ মাৰাত্মক বুলি গণ্য কৰা হৈছিল । মাৰ্বাৰ্গ ভাইৰাছ ফল খোৱা বাদুলিৰ পৰা মানুহলৈ সংক্ৰমিত হ'ব পাৰে (Marburg virus can be transmitted from fruit bats) আৰু মানুহৰ ক্ষেত্ৰতো ইজনৰ পৰা আনজনলৈ সংক্ৰমণ হ'ব পাৰে ।
২০০৪ চনত, মধ্য আফ্ৰিকাৰ এংগোলাত মাৰ্বাৰ্গ ভাইৰাছৰ সৰ্বাধিক আৰু ভয়ংকৰ সংক্ৰমণ হৈছিল (Marburg virus disease largest outbreak in Angola)। য'ত মৃত্যুৰ হাৰ আছিল ৯০ শতাংশ । সংক্ৰমিত ২৫২ গৰাকী লোকৰ ভিতৰত ২২৭ গৰাকী আক্ৰান্তৰে মৃত্যু হৈছিল ।
ইয়াৰ পাছত প্ৰায় ১৮ বছৰৰ অন্তত পুনৰ এই ভাইৰাছৰ প্ৰাদুৰ্ভাৱ হৈছে । যোৱা জুলাই মাহত পশ্চিম আফ্ৰিকাৰ ঘানাৰ এক ভিতৰুৱা অঞ্চল আশান্তিত মাৰ্বাৰ্গ ভাইৰাছ সংক্ৰমণৰ দুটা ঘটনা পোহৰলৈ আহিছিল (Marburg virus outbreak in Ghana)।
বিশ্ব স্বাস্থ্য সংস্থাৰ মতে, এই ভাইৰাছ বিয়পাৰ আশংকা ৰাষ্ট্ৰীয় পৰ্যায়ত অতি বেছি আৰু বিশ্ব স্তৰত সংক্ৰমণৰ আশংকা অতি কম । অৱশ্যে, এই প্ৰাদুৰ্ভাৱ আন দেশলৈ বিয়পি পৰাৰ আশংকা আছে কিয়নো মাৰ্বাৰ্গ ভাইৰাছৰ দ্বাৰা সংক্ৰমিত প্ৰথম জন ৰোগীয়ে লক্ষণ আৰম্ভ হোৱাৰ কেইদিনমান পূৰ্বে ঘানাৰ পশ্চিম অঞ্চলৰ পৰা আশান্তি অঞ্চললৈ যাত্ৰা কৰিছে । ইবোলা ভাইৰাছৰ দৰে মাৰ্বাৰ্গ ভাইৰাছত সংক্ৰমিত লোকৰ শাৰীৰিক তৰলৰ জৰিয়তে এজনৰ পৰা আনজনলৈ বিয়পে (Marburg virus transmissions)।
সেয়েহে, সংক্ৰমিত ব্যক্তিজনৰ চিকিৎসাৰ সময়ত ৰোগীৰ পৰিয়ালৰ সদস্য আৰু স্বাস্থ্য কৰ্মী সংক্ৰমিত হোৱাৰ আশংকা থাকে । কিয়নো মাৰ্বাৰ্গ ভাইৰাছৰ ইনকিউবেচন ম্যাদ ৩ সপ্তাহলৈকে হ'ব পাৰে (Incubation period of Marburg virus)। আন্তৰ্জাতিক ভ্ৰমণে বিশ্বব্যাপী এই ভাইৰাছৰ সংক্ৰমণৰ আশংকা বৃদ্ধি কৰে । ৰোগটোৰ ফলত মৃত্যুৰ হাৰ বেছি বাবে মহামাৰী আৰু মুখ্য ৰাজহুৱা স্বাস্থ্যৰ ভাবুকিৰ সম্ভাৱনাও আহিব পাৰে ।