যোগ সাধনাৰে নিদ্ৰাহীনতা দূৰ কৰক

যোগ সাধনা অনুযায়ী টোপনি হ’ল নিজকে আৰোগ্য কৰি ৰাখিবৰ বাবে এনে এক প্ৰাকৃতিক ধ্যান, যাক আমাৰ এই গ্ৰহটোৰ প্ৰতিটো জীৱই প্ৰত্যেক নিশাই পালন কৰে নাইবা কৰা উচিত ৷ “বডী ক্লক”টো এনেকৈ বিকশিত হৈছে যে ইয়াক আমাৰ শৰীৰটোৰ ক্ৰীয়া কলাপবোৰ সুকলমে চলাই নিবৰ বাবে তথা পুনৰুজ্জীৱিত কৰি তুলিবলৈ পৰ্যাপ্ত পৰিমাণৰ ‘নিদ্ৰা সময়’ তথা গুণগত নিদ্ৰাৰো প্ৰয়োজন হয় ৷

যোগ সাধনা অনুযায়ী টোপনি হ’ল নিজকে আৰোগ্য কৰি ৰাখিবৰ বাবে এনে এক প্ৰাকৃতিক ধ্যান, যাক আমাৰ এই গ্ৰহটোৰ প্ৰতিটো জীৱই প্ৰত্যেক নিশাই পালন কৰে নাইবা কৰা উচিত ৷ “বডী ক্লক”টো এনেকৈ বিকশিত হৈছে যে ইয়াক আমাৰ শৰীৰটোৰ ক্ৰীয়া কলাপবোৰ সুকলমে চলাই নিবৰ বাবে তথা পুনৰুজ্জীৱিত কৰি তুলিবলৈ পৰ্যাপ্ত পৰিমাণৰ ‘নিদ্ৰা সময়’ তথা গুণগত নিদ্ৰাৰো প্ৰয়োজন হয় ৷ এই সম্পৰ্কে কিছু আমোদজনক তথ্য জানিবৰ বাবে ফিজঅ’থেৰাপিষ্ট, অল্টাৰনেটিভ মেডিছিন প্ৰেক্টিশ্বনাৰ আৰু যোগ শিক্ষক ডা° জাহ্নৱী কথৰাণীৰ সৈতে ই টিভি ভাৰত সুখীভৱৰ কথপোকথনৰ কিয়দংশঃ

ইনছ’মনিয়া বা নিদ্ৰাহীনতাঃইনছ’মনিয়া বা নিদ্ৰাহীনতাৰ ৰোগ হ’ল অহৰহ ভাৱে টোপনি যোৱাত অসুবিধা পোৱা, সকলো সময়তে শুবলৈ মন গৈ থকা নাইবা টোপনি সম্পূৰ্ণ হোৱাৰ পাচতো শৰীৰলৈ সতেজতা নহা ৷ নিদ্ৰাহীনতাত ভূগি থকা ব্যক্তিয়ে আনকি ঘন্টাৰ পাচত ঘন্টা সময় ধৰি শুৱাৰ পাচতো তন্দ্ৰালুৰ দৰে অনুভৱ কৰি থাকে ৷ নিদ্ৰাহীনতাৰ সৈতে পুৱাতে জঠৰ জঠৰ লাগি থকা নাইবা ভাগৰুৱা ভাগৰুৱা লগা অনুভৱো জড়িত হৈ আছে ৷ ইয়াৰ উপৰি কোনো ব্যক্তি সমগ্ৰ দিনটো টোপনিয়াইও থাকিব পাৰে আৰু অশান্তিতো ভূগি থাকিব পাৰে ৷ মধ্যমীয়াকৈ মূৰ্চ্ছা যোৱাৰ দৰে অনুভূতিও হ’ব পাৰে ৷ কোনো কোনো সময়ত হোৱা শৰীৰৰ মাংসপেশীৰ জঠৰতাবোৰৰ বিষয়েও উল্লেখ কৰিব পাৰি ৷

‘একিউট’ বা হঠাতে হোৱাঃ যদি সপ্তাহত বা মাহত এটা বা দুটা নিশা টোপনি ক্ষতি হয় বা টোপনি যোৱাত অশান্তি হয় তেন্তে এইয়া আৰম্ভণিৰ পৰ্যায় হ’ব ৷ এনে অৱস্থাই আপোনাৰ স্বাস্থ্য নাইবা জীৱন শৈলীত প্ৰভাৱ পেলাবও পাৰে হয়তো নেপেলাবও পাৰে ৷

‘ক্ৰ’নিক’ বা বহুদিন ধৰি হৈ থকাঃএনে অৱস্থাত কোনো ব্যক্তি সপ্তাহত তিনিটাকৈ নিশা নাইবা তিনি মাহ বা তাতকৈও অধিক সময় ধৰি টোপনিৰ সমস্যাত ভূগি থাকিব পাৰে ৷ ইয়াৰ ফলত জীৱন শৈলী তথা স্বাস্থ্যৰ বিঘ্নিত হয় ৷

টোপনিঃ টোপনি হ’ল শৰীৰ আৰু মনক অধিক সুন্দৰকৈ কাৰ্যকলাপ চলাই নিবৰ বাবে বিশ্ৰাম প্ৰদান কৰা কাৰ্য, ইয়াৰ উদ্দেশ্য হ’ল লগতে পৰ্যাপ্ত পৰিমাণৰ অক্সিজেন সৰ্বৰাহ আৰু আভ্যন্তৰীণ বিপাকীয় কাৰ্যকলাপেৰে শৰীৰক পুনৰুজ্জীৱিত কৰি তুলা ৷ টোপনিত ঘটা যিকোনো সৰু বিসংগতিও আপোনাৰ বাবে কোনো উপযুক্ত পেচাদাৰী পৰামৰ্শদাতাৰ কাষ চপাৰ সংকেট হ’ব পাৰে ৷ বৰ্তমান উপলব্ধ প্ৰাচীন কালৰ সকলো যোগ সাহিত্য তথা গ্ৰন্থই যোগ সাধনাৰ জৰিয়তে টোপনি উন্নত কৰিবলৈ বহু কেইটা ব্যায়াম অনুশীলনৰ বিষয়ে উল্লেখ কৰিছে ৷

আহাৰ–বিহাৰঃ আহাৰ গ্ৰহণৰ সময়ৰ লগতে খাদ্যাভাস আৰু পুষ্টিয়েও এক গুৰুত্বপূৰ্ণ ভূমিকা পালন কৰে ৷ কিয়নো যি ধৰণৰ খাদ্য গ্রহণ কৰে অৱশেষত আপুনিও তেনে ৰূপেই ধাৰণ কৰে ৷ আপোনাৰ মগজুত বাহ লোৱা চিন্তাবোৰ আপোনাৰ মস্তিষ্কৰ খাদ্যৰ দৰেই আৰু ই আপোনাৰ নিদ্ৰাভ্যাসত প্ৰধান ভূমিকা পালন কৰে ৷ সেয়ে আমি মগজুৰ ইতিবাচক দিশৰ লগতে নিজৰ আৱেগিক ৰূপটোৰ প্ৰতি ধ্যান দিব লাগে ৷

যম–নিয়মঃ যোগ সাধন আৰম্ভ হয় আত্মানুশাসন আৰু সামাজিক অনুশাসনৰ পৰা ৷ যাক আমি জীৱনটো সজাই তুলাৰ প্ৰকৃত নিয়মাৱলী বুলি সৰলিকৃত কৰিব পাৰো ৷ সকলোৱে অনন্য আৰু সকলোৱে যথাযথ নিয়ম নীতিৰে আমাৰ আভ্যন্তৰিণ আধ্যাক্মিকতা তথা বাহিৰৰ জগতখন নাইবা আমাৰ চাৰিওফালৰ পৃথিৱীখনৰ সৈতে সম্পৰ্ক স্থাপন কৰা ‘মই’টোৰ সততা বজাই ৰখা উচিত ৷

প্ৰণায়মঃ যথাযথ কৌশলেৰে উশাহ ল’লে শৰীৰৰ শক্তি সমূহ সঠিকভাৱে সঞ্চালিত কৰা তথা উচিত মাত্ৰাৰ অক্সিজেনৰ স্তৰ শৰীৰত বৰ্তাই ৰখাত সহায় কৰাৰ লগতে টোপনিৰ বাবে অতি জৰুৰি আন বহুতো লাভালাভ প্ৰদান কৰিব পাৰে ৷ প্ৰাণায়ামত ভাস্তৃকা, অনুলম ৱিলুম, ভ্ৰামাৰি আৰু শীতলি প্ৰাথমিকৱ ভাৱে সংযোজিত হৈ আছে ৷

যৌগিক পৰিশোধনঃ কপালভাতি, ভামন ধৌতি (পৰিস্কাৰ কৰিবলৈ সচেতন ভাৱে বমি কৰা), কেইবাধৰণৰ নেতি (নসিকা পৰিস্কাৰ কৰা), শংখ পক্ষালন (পাচক নলী পৰিস্কাৰ কৰা) ইত্যাদিৰ জৰিয়তে ভাতা-পিত্ত-কফৰ (পৌৰাণিক বিজ্ঞান অনুসৰি শৰীৰৰ নিৰ্মাণ হোৱা তিনিবিধ উপাদান) সন্তুলন বৰ্তাই ৰখা ৷ এই তিনি, ভাতা-পিত্ত-কফত হোৱা যিকোনো বিসংগতিয়েই টোপনি ক্ষতিৰ কাৰক হ’ব পাৰে ৷

যৌগিক আসনবোৰঃ আসনবোৰে কোনো ব্যক্তিৰ শাৰীৰিক স্বাস্থ্যৰ ওপৰত ক্ৰীয়া কৰে ৷ ই দেহৰ বিষ উপশম কৰি সুস্বাস্থ্য প্ৰদান কৰে আৰু টোপনিত সহায় কৰে ৷

প্ৰত্যাহাৰঃ ই সজ্ঞানৰ প্ৰত্যাহাৰ হিচাপে পৰিচিত ৷ ইয়াক আধুনিক সমাজৰ অৱধাৰণা অনুসৰি সৰলিকৃত কৰিব পাৰি; য’ত কোনো ব্যক্তিয়ে কম প্ৰয়োজনীয়তা তথা কম সম্পত্তি আহৰণৰ ওপৰত ধ্যান কেন্দ্ৰিত কৰি গুণগত আৰু সুখী জীৱন যাপনৰ ওপৰত ধ্যান দিয়া উচিত ৷ ই হ’ল জীৱনত শান্তি বিচাৰি পোৱাৰ অন্যতম পথ, য’ত জীৱনে আপোনাক স্বাস্থ্যৰ বাবে ক্ষতিকাৰক আৱেগ যেনে পৰশ্ৰীকাতৰতা, হীনমন্যতা, অহংকাৰ আদিৰ পৰা ৰক্ষা কৰিব ৷

ধ্যানৰ অভ্যাসঃ ধ্যানৰ জৰিয়তে মগজুৰ শক্তি উন্নত কৰিবলৈ আৰু ভাৱনাত্মক স্বকীয়তাক সৱল কৰি তুলিবলৈ কেইবাটাও পদ্ধতি উপলব্ধ আছে আৰু এই পদ্ধতিবোৰে স্বাস্থ্য সহিতে আভ্যন্তৰীণ ভাৱে সমগ্ৰ ব্যক্তিত্বকে আৰোগ্য কৰি তুলে ৷ কোনো পেচাদাৰী যোগ শিক্ষকৰ পৰা পৰামৰ্শ লৈ আপোনাৰ বাবে উপযুক্ত ধ্যানৰ পদ্ধতিটো বিচাৰি উলিওৱাক নাইবা কোনো যোগ সাধকক অনুসৰণ কৰক ৷ ইয়াৰ লগত সংগীত, নিস্তব্ধতা, আনকি এডাল ম’ম বা যিকোনো বিশেষ উপায় জড়িত হৈ থাকিব পাৰে ৷ ধ্যানে আপোনাক গভীৰ টোপনি অহাত সহায় কৰিব পাৰে আৰু এনেকৈয়ে লাহে লাহে আপুনি নিদ্ৰাহীনতাৰ পৰা পৰিত্ৰাণ পাব ৷

অধিক তথ্যৰ বাবে ডা° জাহ্নৱী কথৰাণীক jk.swasthya108@gmail.comঅত যোগাযোগ কৰক