মিজোৰামত জীৱন্তে অগ্নিদগ্ধ হৈ এজনৰ মৃত্যু

মিজোৰামত জীৱন্তে অগ্নিদগ্ধ হৈ এগৰাকী 73 বৰ্ষীয় লোকৰ মৃত্যু ৷ ফাৰ্নিচাৰ দোকানত বৈদ্যুতিক বিজুতি সংঘটিত হোৱাৰ ফলত সংঘটিত অগ্নিকাণ্ডত ব্যক্তিগৰাকীৰ মৃত্যু ৷

মিজোৰাম, 7 মাৰ্চ:মিজোৰামত জীৱন্তে অগ্নিদগ্ধ হৈ এগৰাকী 73 বৰ্ষীয় লোকে মৃত্যুক সাৱটি লয় ৷ দেওবাৰে পুৱা প্ৰায় 4:30 বজাত মিজোৰামৰ চাইটুৱাল জিলাত বাসগৃহত অগ্নিকাণ্ডৰ সূত্ৰপাত হোৱাৰ ফলতে ব্যক্তিগৰাকীয়ে মৃত্যুক সাৱটি লয় ৷

প্ৰাপ্ত তথ্য অনুসৰি মৃত ব্যক্তিগৰাকীৰ ঘৰটো এটা এমহলীয়া অসম আৰ্হিৰ ঘৰ আৰু উক্ত ঘৰটোৰে তলৰ মহলাটো ফাৰ্নিচাৰৰ দোকান হিচাপে ব্যৱহাৰ কৰা হৈছিল ৷ ফাৰ্নিচাৰ দোকানখনত কোনো বৈদ্যুতিক বিজুতি সংঘটিত হোৱাৰ ফলত অগ্নিকাণ্ডটো সংঘটিত হয় ৷

বৈদ্যুতিক বিজুতি সংঘটিত হোৱাৰ ফলত অগ্নিকাণ্ডটো সংঘটিত হয়

জানিব পৰা মতে ঘৰটোত অগ্নিকাণ্ডৰ সূত্ৰপাত হোৱা বুলি গম পোৱাৰ পাছতে ঘৰৰ আটাইকেইগৰাকী সদস্য ঘৰৰ বাহিৰলৈ ওলাই আহে যদিও শোৱনি কোঠাৰ ভিতৰত থকা ধন আনিবলৈ বুলি ঘৰটোৰ ভিতৰত পুনৰ প্ৰৱেশ কৰাৰ পাছতে জীৱন্তে অগ্নিদগ্ধ হৈ ব্যক্তি গৰাকীৰ মৃত্যু হয় ৷

লগতে পঢ়ক:ছত্তীশগড়ত মাওবাদীয়ে সংস্থাপন কৰা আইইডি উদ্ধাৰ